Qazaqstan shańǵyshylarynyń jańa ulttyq quramasy bekitildi
NUR-SULTAN. QazAqparat - 2019-2020 jyly ótetin shańǵy jarystary boıynsha Qazaqstannyń jańa ulttyq quramasy bekitildi. Komandaǵa 15 sportshy enip otyr, dep habarlaıdy QazAqparat tilshisi QR Shańǵy jarysy ulttyq federatsııasynyń baspasóz qyzmetine silteme jasap.
«Jańa maýsymda komandadan eńbek sińirgen sport sheberi, álem chempıonatynyń qola júldegeri Nıkolaı Chebotko, sport sheberi Angelına Shýryga, sport sheberi Marına Matrosova, halyqaralyq sanattaǵy sport sheberi Elena Kolomına, sport sheberi Irına Bykova men taǵy bir sport sheberi Anjelıka Tarasova ketti. Alekseı Poltoranın Halyqaralyq shańǵy federatsııasynyń sheshimimen jarystardan ýaqytsha shettetildi. Álem chempıonatyndaǵy jarqyn ónerinen keıin dekrettik demalysqa shyqqan Olga Mandrıka kerisinshe ulttyq quramaǵa qaıta keldi. Al qalǵan qyzdar ókinishke qaraı ótken maýsymda qoıylǵan tapsyrmalardy oryndaı alǵan joq. Sol sebepti, shyǵyndardy qysqartý úshin komanda quramyndaǵy sportshylardyń sanyn 15-ke deıin azaıtý týraly sheshim qabyldandy», - deıdi QR Shańǵy jarysy ulttyq federatsııasynyń bas hatshysy Andreı Nevzorov.
Osylaısha, shańǵy jarysynan Qazaqstan ulttyq quramasyna kelesi shańǵyshylar endi:
1. Oljas Klımın (Aqmola oblysy)
2. Vıtalıı Pýhkalo (Qostanaı oblysy)
3. Denıs Volotka (Aqmola oblysy)
4. Evgenıı Velıchko (Aqmola oblysy)
5. Konstantın Bortsov (Aqmola oblysy)
6. Naıl Bashmakov (Almaty qalasy)
7. Áset Dúısenov (Almaty oblysy)
8. Ivan Lıýft (ShQO)
9. Dáýlet Rahymbaev (Almaty qalasy)
10. Valerııa Tıýleneva (Aqmola oblysy)
11. Anna Shevchenko (Pavlodar oblysy)
12. Darıa Rıajko (Pavlodar oblysy)
13. Elmıra Mýtagarova (Aqmola oblysy)
14. Olga Mandrıka (Aqmola oblysy)
15. Ksenııa Shalygına (Almaty qalasy).
Ulttyq quramanyń jattyqtyrýshylar shtabynda kelesi bapkerler bolady:
Bas bapker - Aleksandr Batıaıkın (QR Eńbek sińirgen jattyqtyrýshysy)
Keńesshi-bapker - ıÝrıı Kamınskıı (RF Eńbek sińirgen jattyqtyrýshysy)
Aǵa jattyqtyrýshy - Sergeı Tıshkov (QR Eńbek sińirgen jattyqtyrýshysy)
Erler tobynyń bapkeri - Vıktor Vasılev (QR Eńbek sińirgen jattyqtyrýshysy)
Qyzdar tobynyń bapkeri - Aleksandr Kýrsakov (QR Eńbek sińirgen jattyqtyrýshysy)
Komanda bastyǵy - Aleksandr Tkachýk (QR Eńbek sińirgen jattyqtyrýshysy).
Alǵashqy oqý-jattyǵý jıynyn komanda Almatydaǵy medıtsınalyq tekseristen keıin 14-31 mamyr aralyǵynda Talǵardaǵy «Alataý» shańǵy-bıatlon kesheninde ótkizedi.
