Qazaqstan shańǵyshylary Ýnıversıadanyń úsh medalinen úmitti
ALMATY. QazAqparat - Qazaqstan shańǵyshylary aldaǵy Almatyda ótetin Dúnıejúzilik qysqy ýnıversıadada kem degende 3 medal jeńip alýdy kózdep otyr, dep habarlaıdy QazAqparat.
«Sportshylarymyz oqý-jattyǵý jıyndarynan ótti. Ulttyq qurama jattyǵýlarda úzdik nátıje kórsetken jas sportshylarmen tolyqty. Biz álem kýboginen júldeli oryndardy alyp úlgerdik. Olar ýnıversıadaǵa qyzý daıyndalyp jatyr. Az degende úsh medaldan úmitimiz bar», -dedi Qazaqstannyń Eńbek sińirgen jattyqtyrýshysy Aleksandr Batıaıkın.
Aıta keteıik, Almatyda ýnıversıada dırektsııasy men Global kompanııasy arasynda yntymaqtastyq jóninde memorandýmǵa qol qoıyldy.
Osylaısha, shańǵy jarysy ulttyq federatsııasynyń tarıhynda tuńǵysh ret jeke demeýshisi paıda boldy.
