Qazaqstan shańǵymen baǵdarlaýdan 2013 jylǵy Álem kýbogin ótkizýdi josparlap otyr- QR Shańǵymen baǵdarlaý qaýymdastyǵynyń tóraǵasy
ALMATY. 1 aqpan. QazAqparat /Erbol Turymbetov/ - Búgin Almatydaǵy 7-Qysqy Azııa oıyndarynyń Bas baspasóz ortalyǵynda Azıadaǵa jańadan qosylǵan dopty hokkeı jáne shańǵymen baǵdarlaý sport túrlerine arnalǵan baspasóz máslıhaty bolyp ótti.
QR Shańǵymen baǵdarlaý qaýymdastyǵynyń tóraǵasy Vladımır Telnovtyń málimdeýinshe, Qazaqstan shańǵymen baǵdarlaýdan 2013 jylǵy Álem kýbogin ótkizýdi josparlap otyr. «Bul sport túrine jaqynda 100 jyl tolady. Al bizde endi qarqyn alyp jatyr», - deıdi V. Telnov.
Onyń aıtýynsha, álem boıynsha byltyrǵy jyldyń eń jyldam sportshy qyzy bizdiń quramada. Al erler arasynda Mıhaıl Sorokın álem boıynsha úzdik 15-20 sportshynyń qatarynda. «Bul Azıada oıyndarynda shańǵymen baǵdarlaýdan basty qarsylasymyz - Japonııa quramasy», - deıdi qaýymdastyq tóraǵasy.
