Qazaqstan shańǵymen tuǵyrdan sekirýden Polshadaǵy týrnırde taǵy úsh medal jeńip aldy

ASTANA. KAZINFORM – Qazaqstan quramasy shańǵymen tuǵyrdan sekirýden Zakopane qalasynda (Polsha) ótip jatqan Orlen Cup halyqaralyq týrnırinde úsh júlde jeńip aldy.

Altyn medaldi Sergeı Tkachenko ıelendi. Qazaqstandyq sportshy eresekter arasynda ótken jarysta top jardy.

Danııl Kalınkın U21 sanatynda jeńis tuǵyrynyń úshinshi satysyna kóterildi. Sondaı-aq Artem Meshkov 18 jasqa deıingi sportshylar arasynda úshinshi oryn alyp, qola medal jeńip aldy.

Aıta keteıik, buǵan deıin jasóspirimder sanatynda Kereıhan Qabdýlla birinshi orynǵa, al Aleksandr Fılonenko úshinshi orynǵa ıe bolǵan edi.

Eske salsaq, budan buryn Polshada qos otandasymyz shańǵymen tuǵyrdan sekirýden júldege ıe bolǵanyn habarlaǵanbyz.