Qazaqstan shańǵymen tuǵyrdan sekirýden FIS kýbogy kezeńinde eki altyn medal jeńip aldy
ASTANA. KAZINFORM — Qazaqstan quramasy shańǵymen tuǵyrdan sekirýden Chehııanyń Frenshtat-pod-Radgoshtem qalasynda ótken FIS kýbogynyń kezeńinde úsh medal jeńip aldy.
Jarystyń alǵashqy kúninde Danıl Vasılev jeńiske jetti. Qazaqstandyq sportshy eki múmkindiktiń qorytyndysy boıynsha 258,4 upaı jınap, aýstrııalyq ıAkob Shtaınbergerdi (236,6) jáne polshalyq ıAn Galıtsany (236,3) basyp ozdy.
Ekinshi kúni Qazaqstan ókilderi alǵashqy eki oryndy ıelendi. Jeńimpaz atanǵan Ilıa Mızernyh 267,4 upaı jınady.
Ekinshi orynǵa 259,8 upaımen Danıl Vasılev jaıǵasty. Úzdik úshtikti 244,5 upaı jınaǵan avstrııalyq ıAkob Shtaınberger túıindedi.
Eske salaıyq, munyń aldynda Tatıana Geneleva maýntınbaıktan Azııa serııasynda kúmis júldeger atanǵanyn habarlaǵan edik.
