«Qazaqstan» shahtasynda órt áli sóndirilýde, Úkimet komıssııasy jumysyn uzartty

ASTANA. QazAqparat – «Qazaqstan» shahtasyndaǵy órt oqıǵasyn tergeý jónindegi Úkimet komıssııasynyń jumysy taǵy 10 kúnge uzartyldy. Bul týraly Tótenshe jaǵdaılar mınıstrliginiń resmı ókili Janna Dáýrenbekova málim etti, dep habarlaıdy QazAqparat.

«Qazir shahtanyń apat bolǵan ýchaskesinde 27 taý-ken qutqarýshy jumys istep jatyr, kómekke 14 kenshi jumyldyryldy.

Toǵyz bóget turǵyzyldy jáne olar 100% toltyryldy, 3 bógettin qurylysy boıynsha jumystar jalǵasyp jatyr.

Sonymen qatar órt oshaqtaryn sóndirý jalǵasýda.

Gaz mólsheri baqylaýǵa alynǵan. Jumys oryndarynda temperatýra kórsetkishteriniń nasharlaýy baıqalmaıdy», - dedi resmı ókil.

Eske salaıyq, Qaraǵandy oblysyndaǵy «Qazaqstan» shahtasynda órt 17 tamyz kúni shyqqan bolatyn.

Apat kezinde jer astynda 227 kenshi boldy. 222 adamdy jer betine jedel kóterý múmkin boldy, segizi zardap shekti.

Shahtanyń astynda qalyp qoıǵan bes kenshiniń denesi tabyldy.

18 tamyzdaǵy jaǵdaı boıynsha medıtsına mekemelerinde órtten zardap shekken 11 kenshi em qabyldap jatty.

Prezıdent Qasym-Jomart Toqaev órt sebebin anyqtaý úshin jan-jaqty tergeý júrgizýdi tapsyrdy.