«Qazaqstan» shahtasy apattan keıin azdap qalpyna keltirildi
QARAǴANDY. QazAqparat -31 tamyz kúni tańǵy saǵat tórtte kenetten metan taralýy saldarynan úsh kenshi qaza taýyp, tórteýi aýrýhaǵa jetkizilgen Qaraǵandy oblysy Shahtınsk qalasyndaǵy «Qazaqstan» shahtasynda 15 ýchaske iske qosyldy, dep habarlaıdy «QazAqparat» HAA.
«31 tamyz kúni tańǵy saǵat besterde «Qazaqstan» shahtasynyń batys jeldetkishiniń uńǵysynda kenetten metan tarap, shahta jumysy toqtatylǵan edi. Qazirgi tańda apattyq kenjarda gazsyzdandyrý jumystary júrgizilip jatyr. Bul aýmaqta QR IDM Indýstrıaldyq damý jáne ónerkásip qaýipsizdigi komıteti Kásibı áskerılendirilgen apattyq qutqarý qyzmetiniń qyzmetkerleri jumys istep jatyr», - dep habarlady «ArselorMıttal Temirtaý» kompanııasynyń baspasóz qyzmeti.
Qazirgi tańda «Qazaqstan» shahtasynda 15 ýchaske jumys istep tur. Onda 187 jumysshy men 24 ınjenerlik-tehnıkalyq jumysshy eńbek etýde. Olardyń ómirine qaýip tónip turǵan joq.
Ken óndirý jumystaryn toqtatýdyń saldarynan kompanııaǵa keltirilgen ekonomıkalyq shyǵynnyń mólsheri habarlanbady.
