Qazaqstan shahtalarynda qandaı kompanııalar ken óndiredi
ASTANA. KAZINFORM – Elimizdegi eń tereń shahta uńǵymasy 820 metrdi quraıdy. Bul uńǵymalar «Qazaqstan» men «Tentek» shahtalarynda ornalasqan.

Atalǵan kómir óndiretin nysandar Qaraǵandy oblysynda jumys istep turǵan 11 shathanyń qataryna kiredi. Ónerkásip jáne qurylys mınıstrligi usynǵan derekke sáıkes, jer astynan kómir qazýmen úsh kásiporyn aınalysady:
- «QarMet» AQ — 8 shahta;
- «STS 1» JShS — 2 shahta;
- «Rapıd» fırmasy» JShS — 1 shahta.
Elimizdegi eń birinshi kómir shahtalary - «QarMet» AQ Kómir departamentine tıesili «Abaı» men «Kostenko». Atalǵan shahtalar 1952 jyldan ıgerile bastady.
Ónerkásip mınıstrligi elimizdiń aýmaǵynda jumys istep turǵan ózge de shahtalar men kenishterdiń ózekti tizimin usyndy. Qujatta hrom, temir, mys, quramynda altyn men polımetall kenderi bar paıdaly qatty qazbalardy óndirýmen aınalysatyn kásiporyndar kórsetilgen.
Hrom kenin «Qazhrom» transulttyq kompanııasy» AQ pen «Voshod-Oriel» JShS 7 kenish pen shahtada óndiredi:
• «Molodejnaıa»;
• Shahta qurylysy tsehy;
• Taý-ken kóligi tsehy;
• Jóndeý tsehy-1;
• Jóndeý tsehy-3;
• Avtomattandyrý tsehy;
• «Voshod».
Temir kenin «Sokolov-Sarybaı taý-ken óndirý óndiristik birlestigi» AQ pen «Aqtóbe mys kompanııasy» JShS 3 kenish pen shahtada óndiredi:
- «Sokolov»;
Tehnıkalyq jabdyqtardy jóndeý basqarmasy;
«Kóktem-Aralshy».
Mys kenin «Aqtóbe mys kompanııasy» JShS men «Qazaqmys korporatsııasy» JShS 11 kenish pen shahtada óndiredi:
«Kóktem-Aralshy»;
«Shyǵys Jezqazǵan»;
«Ońtústik Jezqazǵan»;
«Batys Jezqazǵan»;
«Jomart»;
«Jylandy»;
«Nurqazǵan»;
«Aqbastaý»;
«Abyz»;
«Saıaq»;
«Shatyrkól».
Quramynda altyn bar kendi «AltynEx» AQ, «Maıqaıyń altyn» AQ, Baurgold kompanııasy, «Forpost» JShS, «Shyǵystústimet» JShS, «FIK Alel» AQ, «Baılıýsty-Altyn» JShS kásiporyndary 13 kenish pen shahtada óndiredi:
- «Aqbaqaı»;
- «Aqsý»
- Bestóbe»
- «Jolymbet»
- «ıÝbıleınoe»
- «Maıqaıyń»
• «Sekısovka»
• «Úshshoqy»
• «Artemevskaıa»
• «Orlovskaıa»
• «Ertis»
• «Sýzdal»
• «№ 19 shahta»
Polımetall kenin «Qazmyrysh» JShS men «Nova Tsınk» JShS 6 kenish pen shahtada óndiredi:
• «Maleevskıı»
• «Rıdder-Sokolnyı»
• «Tıshınskıı»
• «Dolınnoe»
• «Kaztsınk-Shahtostroı»
• «Aqjal»
Ónerkásip mınıstrliginiń atap ótýinshe, eńbekti qorǵaý máselesi mınıstrlik, salalyq kásipodaqtar jáne jumys berýshi arasyndaǵy áleýmettik seriktestik týraly salalyq kelisim arqyly retteledi. Atalǵan kelisim aıasynda qaýipsizdik jónindegi óndiristik keńes, sonymen qatar tehnıkalyq ınspektor jumys isteıdi.
- Ónerkásiptik qaýipsizdik úshin memlekettik baqylaý men qadaǵalaýdy Tótenshe jaǵdaılar mınıstrliginiń Ónerkásip qaýipsizdigi komıteti júzege asyrady, - delingen vedomstvonyń resmı saýalǵa berilgen jaýabynda.
Buǵan deıin «Kostenko atyndaǵy kómir shahtasyndaǵy jarylysqa qatysty qylmystyq is boıynsha aldyn ala sot tyńdaýy bastalǵanyn jazǵan edik.