Qazaqstan shahmatshylaryn reseılik grossmeıster oqytatyn boldy
ALMATY. QazAqparat - Búgin Almatyda shahmattan áıelder arasyndaǵy Qazaqstan quramasynyń oqý jattyǵý jıyny aıaqtaldy, dep habarlaıdy QazAqparat tilshisi.
Oqý protsesin áıelder quramysynyń bas bapkeri Rýstam Hýsnýtdınov basqardy. Arnaıy jıynǵa sportshylardyń biliktiligin arttyrý úshin Reseılik grossmeıster ıÝrıı ıAkovıch shaqyrylǵan bolatyn.
«Erler arasyndaǵy halyqaralyq sheber Dınara Sadýaqasova, halyqaralyq grossmeısterler Gúlishan Naqbaeva men Mádına Dáýletbaeva, áıelder arasyndaǵy halyqaralyq sheber Gúlmıra Daýletova jáne jas sportshylar Ásel Serikbaı men Nazerke Nurǵalı halyqaralyq mamannyń úıretken aqyl keńesin tyńdady. ıÝrıı ıAkovıchtiń tálimgerliginiń arqasynda Qazaqstan áıelder quramasy buryn sońdy bolmaǵan jetistikke qol jetkizip, 2014 jyly Norvegııada ótken shahmat olımpıadasynda 6-orynǵa taban tiredi», - dedi Qazaqstan shahmet Federatsııasynyń atqarýshy dırektory Irına Grışenko.
«Biz «Fıgýralaryń standarttyn tys qatynasy» taqyrybynda jumys jasadyq. Shahmat partııasynyń sońǵy kezeńi - endshpılde biraz tehnologııa boıynsha jattyqtyq. Bul biz úshin óte paıdaly bilim. Men jaqynda ana bolǵan edim. Bul jattyǵýlar tezirek formaǵa kelýge kómektesti», - dedi Olımpıada qatysýshysy Gúlmıra Dáýletova.
Aıta ketý kerek, ıÝrıı ıAkovıch 2000-2006 jyldary Reseı áıelder quramasynyń jattyqtyrýshysy bolǵan edi.
Ol jastar arasyndaǵy 2 dúrkin álem chempıony, 3 dúrkin Eýropa chempıony grossmeıster Sanan Sıýgırovke, jastar arasyndaǵy 3 dúrkin Eýropa chempıony, grossmeıster Ivan Býkavshınge tálim bergen.
Onyń «Mıttelshpıldegi fıgýralardyń belsendiligi», «Nusqalardy esepteý tehnıkasy», «Qarapaıym jáne kúrdeli endshpılde oınaý tehnıkasy» eńbekteri sarapshylar men shahmatshylar arasynda zor mańyzǵa ıe.
«Qazaqstannyń shaqyrtýyn únemi qýana qabyl alamyn. Óıtkeni munda quramanyń tabandylyǵy, eńbekqorlyǵy súısindiredi. Meniń sabaqtaryp jastardyń múmkindikterin ashýǵa septigin tıgizedi dep oılaımyn», - dedi ıÝrıı ıAkovıch.
