Qazaqstan shahmatshylary olımpıadany jeńispen bastady

NUR-SULTAN. QazAqparat - Qazaqstan shahmatshylary olımpıadany jeńispen bastady, dep habarlaıdy QazAqparat Sports.kz resýrsyna silteme jasap.

Qazaqstannyń shahmatshy qyzdar quramasy Úndistannyń Chennaı qalasynda ótip jatqan olımpıadada osymen ekinshi márte jeńiske jetti.

Munyń aldynda Gvatemalamen oınap, 4-0 esebimen jeńgen.

Ekinshi raýndta qazaq shahmatshy qyzdary 3-1 esebimen Belgııadan basym tústi. Bul jeńisti Bıbisara Asaýbaeva men Nazerke Nurǵalı ákeldi, al Jansaıa Ábdimálik pen Ksenııa Balabaeva óz matchyn teń aıaqtady.

Erler quramasy Tájikstannyń jeńilip qaldy, esep - 1,5-2,5. Komandadaǵy jalǵyz jeńiske Qazybek Nógerbek qol jetkizdi.

Arystanbek Orazaev teń tústi, al Álisher Súleımenov pen Murtas Qajyǵalıev qarsylasynan utyldy.

Eske sala keteıik, Qazaqstan shahmatshylary Úndistanda ótetin olımpıadada úzdik úshtikke enýdi josparlap otyr.