Qazaqstan shahmat Olımpıadasynda qatarynan besinshi ret jeńiske jetti
ASTANA. KAZINFORM — Qazaqstan áıelder quramasy Ózbekstannyń Samarqand qalasynda ótip jatqan 46-shy Dúnıejúzilik shahmat Olımpıadasynda qatarynan besinshi jeńisine jetti, dep habarlaıdy Sports.kz.
Besinshi týrda qazaqstandyq shahmatshylar Germanııa quramasyn 2,5:1,5 esebimen jeńdi. Komandaǵa sheshýshi upaıdy Hanna Marı Klekpen oıynda jeńiske jetken Merýert Kamalıdenova ákeldi.
Bıbisara Asaýbaeva — Dınara Vagner, Alýa Nurman — Elızabet Petts jáne Elnaz Qalıahmet — ıAna Shnaıder arasyndaǵy partııalar teń aıaqtaldy.
Bes týrdan keıin Qazaqstan áıelder quramasy 100 paıyzdyq kórsetkishpen, ıaǵnı bes jeńispen týrnır kestesinde úshinshi orynda tur. Birinshi orynda Polsha quramasy, ekinshi orynda Qytaı komandasy keledi.
Aıta keteıik, áıelder arasynda Qazaqstan quramasynyń kún saıyn qarsylastarynyń deńgeıi ósip keledi. Buǵan deıin arýlarymyz 16-orynda turǵan Armenııamen kúsh synasty.
