Qazaqstan shahmat federatsııasynyń jańa prezıdenti saılandy

ASTANA. QazAqparat - 4 shilde kúni ótken Qazaqstan shahmat federatsııasynyń kezekten tys sezinde uıym prezıdenti bolyp Ǵalymjan Esenov saılandy, dep habarlanǵan federatsııa saıtynda.

«Sezde QR Shahmat federatsııasynyń jańa prezıdenti bolyp Ǵalymjan Esenov saılandy, ol Shakhmardan Yessenov Foundation ǵylym-bilim qorynyń quryltaıshysy, «ATF bank» AQ dırektorlar keńesiniń tóraǵasy», delingen habarlamada.

Aıta keteıik, buǵan deıin bul qyzmetti QR ınvestıtsııalar jáne damý mınıstri Áset Isekeshev atqarǵan edi. Ol shahmat federatsııasynyń qamqorlyq keńesiniń tóraǵasy bolyp saılandy. Federatsııa prezıdenti qyzmetinen bas tartýyn mınıstrliktegi jumys aýqymynyń artýymen túsindirgen mınıstr óziniń Qazaqstanda shahmat oıynynyń damýyna árdaıym barynsha qoldaý kórsetetinin jetkizdi.