Qazaqstan shaǵyn fýtboldan Eýropa chempıonatynyń shırek fınalyna shyqty

ASTANA. KAZINFORM – Qazaqstan quramasy osy kúnderi Bosnııa men Gertsegovınada ótip jatqan Eýropa chempıonatynyń 1/8 fınalynda oınady, dep habarlaıdy Sports.kz.

Qazaqstandyq sportshylar shırek fınalǵa shyǵý úshin Slovenııa quramasyna qarsy oınady. Oıyn barysynda Dıas Eginjanovtyń oryndaýynda nebári 1 ǵana gol salynyp, komandany jeńiske jetkizdi.

Osyǵan deıin qazaqstandyqtar B tobynda Ýkraına, Gretsııa men Anglııany jeńip, kósh bastaǵan edi.

Aıta keteıik, shırek fınalda Qazaqstan quramasy Ázerbaıjan, Bosnııa men Gertsegovına jubynyń jeńimpazymen oınaıdy.