Qazaqstan shabandozdarynyń Azıadada baq synaıtyn kúnderi belgili boldy
ASTANA. KAZINFORM - Qazaqstannyń at sportynan ulttyq quramasy 12 jyldyq úzilisten keıin Azııa oıyndaryna qaıta oralady. Aichi-Nagoya 2026 oıyndarynda el namysyn 4 shabandoz jáne olardyń sáıgúlikteri qorǵaıdy.
At sporty boıynsha jarystar Japonııanyń Tokıo qalasyndaǵy áıgili JRA Equestrian Park arenasynda ótedi. Bul arena Tokıo-2020 Olımpıada oıyndaryn qabyldaǵan bolatyn.
Jarysty 21 qyrkúıekte úshsaıysshylar bastady. 24-27 qyrkúıekte atpen mánerlep júrýshiler arenaǵa shyǵady.
Al qazaqstandyq sportshylar konkýr baǵdarlamasynda óner kórsetedi. Jarys 1, 3 jáne 4 qazan kúnderi ótedi. Atap aıtqanda, aldymen komandalyq fınaldyń 2 raýndy boıynsha jarysady. Munan soń sportshylar jekeleı synda 1.45 jáne 1.55 m bıiktiktegi, al sońǵy kúni 1.50 jáne 1.55 m bıiktiktegi kedergilerdi eńserýleri kerek.
Aıta keteıik, Qazaqstan quramasy sapynda tájirıbeli sportshylar bar: Oleg Sokolenko, Raısa Sokolenko, Nurıla Turysbekova jáne Ksenııa Batalova.
