Qazaqstan Serra-Leonemen birqatar salada yntymaqtastyqty damytady
ASTANA. KAZINFORM – Búgin elordada QR Premer-mınıstriniń orynbasary – Syrtqy ister mınıstri Murat Nurtileý men Serra-Leone Respýblıkasynyń Syrtqy ister mınıstri Mýsa Tımotı Kabbanyń kelissózi ótti.
- Sizdiń Qazaqstanǵa alǵashqy resmı saparyńyz ekijaqty qarym-qatynastarymyz ben qurlyqaralyq baılanystarymyzdy damytýdaǵy mańyzdy qadam dep sanaımyz. Serra-Leone – Afrıkadaǵy mańyzdy seriktesterimizdiń biri. Bıyl Astana men Frıtaýn arasyndaǵy dıplomatııalyq qarym-qatynasqa 11 jyl tolady. Geografııalyq alshaqtyqqa qaramastan, biz senim men teńdikke negizdelgen yntymaqtastyqty damytýǵa múddelimiz, - dedi Murat Nurtileý.
QR Premer-mınıstri orynbasarynyń aıtýynsha, eki el arasynda saýda, kólik-logıstıka, densaýlyq saqtaý, aýyl sharýashylyǵy jáne basqa da mańyzdy salalarda jemisti yntymaqtastyq úshin aıtarlyqtaı áleýet bar. Bul turǵyda Serra-Leone delegratsııasynyń Qazaqstanǵan saparyna oraı keshendi baǵdarlama daıyndalǵan. Olar elimizdegi jetekshi IT jáne qarjy ınstıtýttarymen egjeı-tegjeıli tanysady.
- Sizdiń saparyńyz bizdiń elderimiz ben halyqtarymyz arasyndaǵy tyǵyz baılanystardy ilgeriletý úshin berik negiz bolatynyna kúmánim joq, - dedi Murat Nurtileý.
Aıta keteıik, Serra-Leone Respýblıkasy Syrtqy ister mınıstriniń Qazaqstandaǵy resmı sapary 7-9 sáýir aralyǵynda ótedi dep josparlanǵan.
Eske salsaq, byltyr Qazaqstan men Serra-Leone dıplomattary eki el arasynda vızasyz qatynaı alatyny jarııalandy.