Qazaqstan Serbııamen saýda-ekonomıkalyq baılanystardy kúsheıtpek
ASTANA. KAZINFORM — Belgradta saýda-ekonomıkalyq yntymaqtastyqty jandandyrý jóninde kelissózder ótti, dep habarlaıdy QR SІM baspasóz qyzmeti.
Qazaqstan Respýblıkasy Syrtqy ister mınıstriniń orynbasary Álibek Qýantyrov Serbııa basshylyǵymen kelissózder júrgizip, Belgradqa jumys saparymen bardy.
Kezdesýler barysynda Serbııa Premer-mınıstriniń orynbasary — Іshki ister mınıstri Ivıtsa Dachıchpen, Syrtqy ister mınıstrliginiń Memlekettik hatshysy Damıan Iovıchpen, Іshki jáne syrtqy saýda mınıstri ıAgoda Lazarevıchpen, Halyqaralyq ekonomıkalyq yntymaqtastyq máseleleri jónindegi mınıstr Nenad Popovıchpen ekijaqty saıası jáne saýda-ekonomıkalyq yntymaqtastyqty odan ári damytý máseleleri talqylandy.
Taraptar sondaı-aq Memleket basshysynyń 2024 jyly Serbııaǵa jasaǵan resmı saparynyń jáne Serbııa Prezıdenti Aleksandr Výchıchtiń 2026 jylǵy aqpanda Astanaǵa saparynyń qorytyndysy boıynsha qol jetkizilgen ýaǵdalastyqtardy iske asyrý barysyn qarastyrdy.
ıAdrolyq ónerkásip, aýyl sharýashylyǵy, bilim berý, ǵarysh jáne tsıfrlyq tehnologııalar, sondaı-aq jasandy ıntellekt salalaryndaǵy yntymaqtastyqtyń perspektıvaly baǵyttary atap ótildi.
— Sapar aıasynda Serbııa Saýda-ónerkásip palatasynyń jáne Qazaq-serb iskerlik keńesiniń ókilderimen kezdesýler ótkizilip, iskerlik baılanystardy keńeıtý jáne ózara tıimdi jobalardy ilgeriletý perspektıvalary talqylandy. Kelissózder qorytyndysy boıynsha taraptar, eń aldymen, saýda-ekonomıkalyq salada qazaq-serb áriptestigin odan ári nyǵaıtýǵa múddeli ekenderin rastady, — delingen habarlamada.
Buǵan deıin Serbııa Prezıdenti Aleksandr Výchıchtiń aqpan aıynda Qazaqstanǵa sapary aıasyndaǵy kelissózder barysynda 10-ǵa jýyq qujatqa qol qoıyldy. Onyń ishinde saýda-ekonomıka, qorǵanys, medıtsına, tsıfrlandyrý, kólik-logıstıka salalaryna qatysty jobalar bar. Kazinform-nyń analıtkalyq sholýshysy osy sapardyń nátıjesin taldady.
