Qazaqstan semserlesýshileri álem kýbogynyń altyn medalin jeńip aldy
ASTANA. KAZINFORM — Qazaqstannyń erler quramasy Marokkonyń Kasablanka qalasynda ótken semserlesýden álem kýbogy kezeńiniń jeńimpazy atandy. Bul týraly UOK málim etti.
Komandalyq jarystyń fınalynda otandastarymyz Reseı quramasyn 45:40 esebimen jeńdi.
Buǵan deıin qazaqstandyq semserlesýshiler shırek fınalda Mysyrdan, jartylaı fınalda Frantsııadan basym túsken. Sondaı-aq jarys barysynda Túrkııa men Gonkong quramalaryn da jeńdi.
Ulttyq qurama sapynda Aleksandr Fedotov, Kırıll Pavlov, Kırıll Prohodov jáne Vadım Sharlaımov óner kórsetti.
Aıta keteıik, Qazaqstannyń erler quramasy 2026 jyly Japonııada ótken Azııa oıyndarynda da shpagamen semserlesýden altyn medal ıelengen. Sonymen qatar bıyl qazaqstandyq semserlesýshiler Azııa jáne álem chempıony atandy.
Buǵan deıin qazaqstandyq jeti sportshy semserlesýden álem kýbogynda synǵa túsetinin jazdyq.
