Qazaqstan semserlesýden Shveıtsarııadaǵy Álem kýbogy kezeńinde besinshi oryn aldy
ASTANA. KAZINFORM — Bern qalasynda (Shveıtsarııa) semserlesýden erler arasynda Álem kýbogynyń kezeńi aıaqtaldy, dep habarlaıdy UOK baspasóz qyzmeti.
Komandalyq jarysta Qazaqstan quramasy shırek fınalǵa deıin jetti. Týrnır barysynda qazaqstandyq shpagashylar Brazılııa quramasyn 44:22 esebimen, al AQSh komandasyn 45:39 esebimen jeńdi. Alaıda shırek fınalda Shveıtsarııaǵa 36:38 esebimen jol berdi.
5-8 oryndar úshin ótken kezdesýlerde Qazaqstan quramasy Mysyrdy 41:26, Gonkongti 36:35 esebimen jeńip, jarysty besinshi orynmen aıaqtady.
Álem kýbogy kezeńinde el namysyn Erlik Sertaı, Vadım Sharlaımov, Nıkıta Jýlınskıı jáne Kırıll Prohodov qorǵady.
Budan buryn qazaqstandyq 11 semserlesýshi Berndegi álem kýbogynda baq synaıtynyn jazǵanbyz.
