Qazaqstan semserlesýden álem chempıonatyn bir medalmen aıaqtady
ASTANA. KAZINFORM – Qazaqstan quramasy semserlesýden Gonkongta ótken 2026 jylǵy álem chempıonatyndaǵy jarys jolyn aıaqtady.
Jarystyń sońǵy baǵdarlamasynda áıelder arasyndaǵy rapıra men erler arasyndaǵy sablıadan komandalyq saıystar ótti.
Sofııa Aktaeva, Alına Iskanderova jáne Alena Gnoevadan quralǵan Qazaqstan quramasy alǵashqy kezdesýinde Reseı komandasyna 16:45 esebimen jol berdi. Al Artem Sarkısıan, Qýanysh Erǵashbaı, Nurmuhammed Jaılybaı jáne Nazarbaı Sattarhan óner kórsetken erler quramasy Ispanııadan 37:45 esebimen jeńilip, jarysty erte aıaqtady.
Osylaısha, Qazaqstan quramasy álem chempıonatyn bir altyn medalmen túıindedi. Bir kún buryn erler arasyndaǵy komandalyq shpaga saıysynda Rýslan Kýrbanov, Erlik Sertaı, Kırıll Prohodov jáne Vadım Sharlaımov tarıhı jetistikke qol jetkizip, álem chempıony atandy.
QR UOK málimetinshe, fınalda qazaqstandyq sportshylar Ýkraına quramasyn 45:40 esebimen jeńdi.
