«Qazaqstan-Semeı» telekompanııasynyń qyzmetkerleri jol apatyna ushyrady
ÓSKEMEN. Aqpannyń 1-i. QazAqparat /Lıýdmıla Malko/ - Keshe keshke Semeı-Qarajyra razezi jolynda eki ÝAZ kóligi soqtyǵysyp, apat saldarynan bir jolaýshy qaza tapty, eki júrgizýshi aýrýhanaǵa tústi.
Zardap shekkenderdiń ishinde «Qazaqstan-Semeı» telekompanııasynyń úsh qyzmetkeri - operator men eki jýrnalıst bar, olardyń bireýine qazir kúrdeli operatsııa jasalýda.
Sol kúni keshke Semeı-Qaınar tas jolynyń 35-shi shaqyrymynda jol-kólik oqıǵasy oryn alyp, onda bes jolaýshy opat boldy, dep habarlady tótenshe jaǵdaılar qyzmetinen.
«Aýdı» kóligi «Land Krýzermen» soqtyǵysyp qalyp, apat saldarynan «Aýdıdiń» bes jolaýshysy kóz jumdy. «Aýdıdiń» júrgizýshisi men «Land Krýzerdiń» bir jolaýshysy Semeı qalasynyń jedel járdem aýrýhanasyna jetkizildi. Djıp júrgizýshisi aýrýhanaǵa jatýdan bas tartty.
