Qazaqstan saılaý júıesin jetildirý jolynda keledi - L.Slýtskıı

ASTANA. QazAqparat - Qazaqstan saılaý júıesin jetildirý jolynda keledi. Bul týraly búgin QR Ortalyq saılaý komıssııasynyń tóraǵasy Qýandyq Turǵanqulovpen kezdeskennen keıin BAQ ókilderine suhbat bergen RF Memlekettik dýmasy baıqaýshylary delegatsııasynyń jetekshisi Leonıd Slýtskıı aıtty.

«Biz ózimizdiń túrli halyqaralyq parlamenttik alańdardaǵy, túrli elderdegi saılaýlardy baıqaýdaǵy baı tájirıbemizge arqa súıeıtin bolamyz», - dedi ol.
Sonymen qatar, ol Qazaqstannyń saılaý júıesi, barlyq deńgeıdegi komıssııalarynyń saılaý tájirıbesi aıtarlyqtaı oń ózgeristerge ushyraǵandyǵyn atap ótti. Saılaý ótkennen keıin ózderiniń naqty qorytyndylaryn jarııa etetindigin de aıtty.
«Degenmen, qazirdiń ózinde Qazaqstan óziniń saılaý júıesin konstrýktıvti túrde jetildire alǵandyǵyn aıtýǵa bolady. Búgingi kúni Qazaqstannyń saılaý tájirıbesine engizilgen jańashyldyq Táýelsiz memleketter dostastyǵy aıasynan da tysqary elderdiń saılaý júıesin jetildirý úshin paıdalanylatyndyǵyna senimdimin», - dedi L.Slýtskıı.