Qazaqstan Saýd Arabııasynyń problemasyn óz múddesine paıdalanýǵa tyryspaıdy - Bozymbaev

NUR-SULTAN. QazAqparat - Qazaqstan áriptesi Saýd Arabııasynyń problemasyn paıdalanyp otyr deý ádepke jaraspaıdy. Bul týraly búgin elordada ótip jatqan XII Kazenergy Eýrazııalyq forýmy aıasynda uıymdastyrylǵan baspasóz máslıhatynda QR Energetıka mınıstri Qanat Bozymbaev aıtty, dep habarlaıdy QazAqparat tilshisi.

«Eń aldymen Qazaqstan áriptesi Saýd Arabııasynyń problemasyn paıdalanyp otyr deý ádepke jaraspaıdy. Ekinshiden, naryqtan óndiriletin ne bári 5 mln tonna munaı degenimiz túkte emes. Qazirgi ýaqytta Qazaqstan 1,85 mln barel óndiredi. Sondyqtan biz tyrysqan da joqpyz. Sebebi ony jaba almaımyz. Úshinshiden, OPEK+ kelisim aıasyndaǵy qatań mindettememiz bar. Biz odan aınymaımyz jáne boljamdy kezeńde, 2020 jyldyń naýryzyna deıin ortasha 1,860 mln barelden artyq óndirmeımiz», - dep jaýap berdi Qanat Bozymbaev BAQ ókilderiniń saýalyna oraı.

Esterińizge sala ketsek, 2018 jyldyń jeltoqsanynda OPEC+ elderi munaı óndirýdi 1,2 mln barrelge qysqartý týraly kezekti sheshim qabyldaǵan bolatyn. Qazaqstan óndiristi 40 myń barrelge qysqartý boıynsha ózine mindetteme qabyldap, osy sheshimge qosyldy.

Aıta keterligi, 4 qyrkúıek kúni Saýd Arabııasyndaǵy Abkaık munaı óńdeý kásiporny men Hýraıs munaı ken ornynda eki márte bolǵan shabýyl saldarynan keıin munaı baǵasy sharyqtap ketken edi.