Qazaqstan Saýd Arabııasynyń munaı men gazdy tereń óńdeýge qatysty tájirıbesine qyzyǵýshylyq tanytty

ER-RIıAD. QazAqparat - Qazaqstan Saýd Arabııasynyń munaı men gazdy tereń óńdeýge qatysty tájirıbesin qabyldaýǵa nıetti. Bul týraly QR Prezıdenti Nursultan Nazarbaev Saýd Arabııasy Koroldigine resmı saparynyń qorytyndysy boıynsha jýrnalısterge bergen suhbaty barysynda málim etti, dep habarlaıdy QazAqparat tilshisi.

«Bul memlekettiń munaı-gaz salasynda mol tájirıbege ıe ekendigi daýsyz. Sondyqtan bizge munaı men gazdy tereń óńdeý, polıetılen men etılen óndirý jaıyn oılaýymyz qajet», - dedi Nursultan Nazarbaev.

Sonymen qatar, kelissózder barysynda munaı baǵasynyń máselesi de kóterildi. «Árıne, biz bul memlekettiń qazir barlyq seriktesterimen birge júrgizetin saıasatyna qatysty munaı men gaz baǵasyn talqyladyq. Men osy máseledegi reseılikterdiń ustanymyn bilemin. Olardyń bul jaıynda Iranmen qarym-qatynastary kúrdeli ekeni belgili. Osy turǵyda bizdiń mámilegerlik etýimiz ózindik oń rol atqarýy da múmkin», - dep atap ótti Nursultan Nazarbaev.

FOTO: english.alarabiya.net