Qazaqstan satyp alý qabiletiniń tepe-teńdigi boıynsha álemde 36-orynda tur

Halyqaralyq valıýta qorynyń byltyr qazanda jarııalanǵan esebine sáıkes, Qazaqstan ekonomıkasynyń kólemi 973 mlrd dollardy qurady.

Reıtıng kóshin Qytaı (43,49 trln dollar) men AQSh (31,82 trln dollar) bastap tur.

Sondaı-aq tizimge kelesi elder endi:

• Úndistan — 19,14 trln dollar;

• Reseı — 7,34 trln dollar;

• Japonııa — 6,92 trln dollar;

• Germanııa — 6,32 trln dollar;

• Indonezııa — 5,36 trln dollar;

• Brazılııa — 5,16 trln dollar;

• Frantsııa — 4,66 trln dollar;

• Ulybrıtanııa — 4,59 trln dollar.

Aıta keteıik, satyp alý qabiletiniń tepe-teńdigi eldiń ekonomıkalyq kólemin ómir súrý qunyndaǵy aıyrmashylyqtardy eskere otyryp túzetetin kórsetkish. Osy ólshem boıynsha álemdik ekonomıka kólemi 219 trln dollardan asady, onyń shamamen jartysy Azııa elderiniń úlesine tıesili. Jalpy ishki ónimi 43,5 trln dollardan asatyn Qytaı atalǵan kórsetkish boıynsha álemdegi eń iri ekonomıka sanalady.

Al Qazaqstan reıtıngte Sıngapýr (35-oryn) men Rýmynııanyń (37-oryn) arasynda ornalasqan.

Buǵan deıin Halyqaralyq valıýta qory jahandyq ekonomıkalyq ósý boljamyn 3 paıyzǵa deıin kótergen edi.

Eske sala keteıik, Halyqaralyq valıýta qory Qazaqstan 2025 jyldy 13 paıyz ınflıatsııamen aıaqtaýy múmkin ekenin aıtqan.