Qazaqstan sarbazdary at ústindegi daıyndyqtaryn bastady (FOTO)

ASTANA. QazAqparat - Otan qorǵaý úshin Qarýly Kúshterde áskerı qyzmetshilermen qatar, kınologııalyq bólimsheler quramynda qaraýyl, narko-izdestirý jáne izdestirý qyzmetine tartylǵan qyzmettik ıtterden basqa QR Qurlyq áskerleriniń qyzmetinde jylqylar bar. 91678 áskerı bóliminde Qazaqstanda ǵana emes, sonymen birge búkil TMD-daǵy birden-bir taýly-qoryqtyq rotada jyl saıynǵy atpen daıyndaý bastaldy, dep habarlady vedomstvonyń baspasóz qyzmetinen.

Bólim áskerı qyzmetshileri sanynan quralǵan jattyqtyrýshy nusqaýshylar tulparlarmen jaýyngerlik daıarlyq boıynsha josparly sabaqtar ótkizedi. Armııada jylqylardy paıdalaný taýly jerlerde bólimshelerdiń ornalasýymen baılanysty. Olar tehnıka úshin qoljetimsiz júrip ótilgen jerde, taıyz soqpaq joldarda, jaralylardy shyǵarý, jeke quramnyń jedel qozǵalýyn jáne ózge de tapsyrmalardy oryndaý úshin bólimshelerdiń is-qımyldaryn ustap turý kezinde júkter men oq-dárilerdi tasymaldaý úshin belsendi túrde qoldanylady.
Áskerı qyzmetshiler jańadan kelgenderdi atqa minýge, jaýyngerlik tapsyrmalardy oryndaýǵa, atqa minýdiń negizderin úıretedi. Úıretý barysynda jylqylar kedergiler jolaǵyn eńseredi, kúrdeli taýly jerde jeke quramdy tasymaldaıdy. Sondaı-aq olarǵa avtomattan shyǵatyn qatty dybystarǵa úırenisý qajet. Jaýyngerlik daıarlyq ártúrli polıgondarda ótkiziledi. Alys qashyqtyqtarǵa jylqylardy poıyzben tasymaldaıdy. Jerdiń geografııalyq erekshelikteri men jyldyń mezgiline qaramastan, attar berilgen tapsyrmany oryndaıdy.
Atqa miný daıyndyǵy - mindetti pán. Al polıgondarda jylqylarmen jumys jasaý josparǵa baılanysty aıyna birneshe ret ótedi.
Rota janynda jylqylardyń densaýlyǵyn qadaǵalap otyratyn veterınarlyq pýnkt qyzmet atqarady. Rota quramynda barlyǵy 52 júırik bar. Árqaısysy bir-bir áskerı qyzmetshige bekitilgen jáne óziniń múkámmaldyq nómiri bar. Taýly-qoryqtyq rotadaǵy negizgi qyzmetten basqa sáıgúlikterdiń ózge de «mádenı» ómiri bar. Sonymen, 2015 jyly Tarazda ótken Qazaq handyǵynyń 550 jyldyǵyn merekeleýge qatysty. Túsirilimi Jarkent pen Qapshaǵaıda ótken «Qazaq eli» fılminiń keıipkerleri boldy.