Qazaqstan sanıtarlyq avıatsııaǵa jańa ushaqtar satyp aldy
Sanıtarlyq avıatsııa qyzmetiniń tehnıkalyq parki jańa ushaqtarmen tolyqqan. Senatordyń suraǵyna jaýap bergen Densaýlyq saqtaý vıtse-mınıstri Tımýr Sultanǵazıev osyndaı málimet aıtty, dep habarlaıdy Kazinform.
«Búgingi úshjyldyq bıýdjet jobasynda sanıtarlyq ushaqtardyń shyǵyny jylyna 2413 saparmen shektelgen. Onyń ózinde ushaqtarǵa baǵyttalatyn shyǵyn paıyz ǵana», - degen depýtat salada áli kúnge deıin eski ushaqtar qyzmet kórsetetinin synǵa aldy. Aıtýynsha, sonyń kesirinen medıtsına mamandary qaza tapqan.
Tımýr Sultanǵazıev sanıtarlyq avıatsııaǵa qyzmet kórsetetin ushaqtar satyp alynǵanyn málim etti. Olardy qoldanysqa alý úshin qujattaryn retteý kerek kórinedi.
«Bıylǵy qarashada tıisti tirkeýden ótedi. Kelesi jyly sol ushaqtar usha bastaıdy. Jetkizýshi taraptyń mindettemesi bar. Olar aldaǵy 14 jyldyń ishinde áýe parkin jańartyp otyrýy kerek», - dedi vıtse-mınıstr.
