Qazaqstan samboshylary Azııa chempıonatynda 46 medaldi jeńip aldy
TAShKENT. Maýsymnyń 4-i. QazAqparat /Qurmat Samarhan/ - Qazaqstan samboshylary Ózbekstan astanasynda ótken Azııa chempıonatyn aıaqtady. Jarys qorytyndysy boıynsha QR sportshylary 46 medaldi jeńip aldy.
Juma, maýsymnyń 4-i kúni Tashkentte sambodan Azııa chempıonaty aıaqtaldy.
Jarystyń sońǵy kúni eń jas sportshylar óz sheberlikterin kórsetti. Atap aıtqanda, Qazaqstannan barǵan sportshy Aıjan Jylqybaeva (40 kg) jáne Aıkúnim Túntekova (52kg) altyn medal alsa, Juldyz Ábdiǵalıeva (44 kg), Qamqa Otabek (65 kg), Qalamqas Ahmetova (70 kg), Anastasııa Lısıchkına (75 kg) kúmis medalǵa ıe boldy, al Erkejan Ertaeva (48 kg), Jánııa Qurmanǵalıeva (56 kg), Dildash Kúrishbaeva (60 kg), Mýhtabar Pýlat (75 kg joǵary) qola medaldardy qanjyǵalaryna baılady.
Sondaı-aq saıys alańyna shyqqan qazaqstandyq samboshylar Isataı Asqanbaev (52 kg), Jansaı Smaǵul (56 kg), Baqdáýlet Sábıtov (60 kg) altyn medal ıegerleri atyndy.
Azııa chempıonatynyń sońǵy kezeńinde jaýyngerlik sambonyń ókilderi óner kórsetti. Jarys qorytyndylary boıynsha, Qazaqstannyń sportshylary Baýyrjan Qumarov (48 kg) pen Georgıı Emelıanınov (90 kg) altyn medalǵa ıe boldy.
Azııa chempıonatynyń qorytyndysy boıynsha Qazaqstan komandasynyń qorjynynda túrli deńgeıler boıynsha jalpy sany 46 medal, onyń ishinde - 17 altyn, 14 kúmis jáne 15 qola medal bar.
