Qazaqstan salymshylarynyń qarjysy el ekonomıkasyna jumys isteýi kerek - «Astana» ZJQ» AQ-nyń Basqarma tóraǵasy

ALMATY. 28 aqpan. QazAqparat - Zeınataqy naryǵynyń ótimdiligi aıtarlyqtaı úlken.  Bul týraly «Astana» zeınetaqy jınaqtaý qory» AQ-nyń basqarma tóraǵasy Andreı Karıagın búgin Almatyda ótken baspasóz máslıhatynda  aıtty.

«Zeınetaqy jınaqtaý naryǵyndaǵy 15 mıllıard dollar kólemindegi qarjy  esep-shotta bos jatqan joq.  Ol jetkilikti deńgeıde ótimdi qarjy quraly. Bul qarjyny  eldiń ındýstrııalyq-ınnovatsııalyq damý baǵdarlamasyna baǵyttaýǵa bolady. Ondaǵy negizgi ıdeıa ınfraqurlymdy ınvestıtsııalaý bolyp otyr», - deıdi A. Karıagın.

Qazir Úkimette qaralyp jatqan ınfraqurlymdyq oblıgatsııa máselesine zeınetaqy jınaqtaý qorlary  zor  senimmen qaraýda. «Astana» ZJQ» basqarma tóraǵasynyń aıtýynsha, ınfraqurylymdyq jobalar belgili bir deńgeıde tıimdi. Ol memlekettik suranysty retteıdi. Salymshylar aktıvi jetkilikti deńgeıde uzaq merzimdik. Sol sebepti zeınetaqy jınaqtaý qorlary ınfraqurylymdyq blokta strategııalyq ınvestor bolyp sanalady.