Qazaqstan sadaq atýdan Azııa kýbogynda taǵy eki medal jeńip aldy
ASTANA.KAZINFORM – Qazaqstan ulttyq quramasy Iraktyń Súleımanııa qalasynda ótip jatqan sadaq atýdan Azııa kýbogyndaǵy jarysyn jalǵastyryp jatyr.
Otandastarymyz bloktyq sadaq atýdan altyn jáne kúmis medal jeńip aldy.
Aralas komandalar arasyndaǵy básekede Pavel Kýznetsov pen Elmıra Raısova top jaryp, altyn júldege qol jetkizdi. Fınalda qazaqstandyq sportshylar Bangladesh quramasynan 153:142 esebimen basym tústi.
Áıelder quramasy kúmis medal ıelendi. Elmıra Raısova, Mılana Býrleva jáne Aıajan Jaqsylyq fınalǵa deıin jetip, sheshýshi saıysta Bangladesh sadaqshylarynan 220:230 esebimen jeńilip qaldy.
QR UOK málimetinshe, buǵan deıin erler quramasy jarystyń altyn júldesin jeńip alǵan bolatyn.
Aıta keteıik, «Qaırat» fýtzaldan Chempıondar lıgasyn jeńispen bastady.
