Qazaqstan rýhanı-ónegeli qundylyqtary onyń tolyqqandy damýyna jaǵdaı jasaıtyn memlekettiń úlgisi bola alady - Reseıdiń dinı qaıratkerleri
ASTANA. Shildeniń 10-y. QazAqparat - QR Prezıdentin mereıtoıymen quttyqtaǵan hattar Reseıdiń dinı qaıratkerlerinen de kelip tústi, dep habarlaıdy QR Prezıdentiniń baspasóz qyzmeti.
Máskeý jáne kúlli Reseı Patrıarhy Kırıll óz hatynda Nursultan Nazarbaevty mereıtoıymen quttyqtap, elimiz qol jetkizgen zor tabystardy atap ótken. «Búginde Qazaqstan rýhanı-adamgershilik qundylyqtary eldiń tolyqqandy ilgerileýshiligine saı keletin memleket úlgisi bola alatynyna men kýálik etemin» delingen patrıarhtyń quttyqtaýynda.
Reseı múftııleri keńesiniń tóraǵasy R.Gaınýtdınniń hatynda: «Sizdiń Qazaqstan Respýblıkasy basshylyǵyndaǵy jıyrma jyldan astam qyzmetińiz, Sizdiń bastamalaryńyz, Sizdiń janyńyzdyń elgezektigi, sózderińiz ben memleket isterindegi ómirlik tájirıbege qurylǵan paıymdy parasatyńyz Sizge degen shynaıy syılastyq pen búkilhalyqtyq qurmetti oıatty», - delingen.
