Qazaqstan Rýandadan berılıı kontsentratyn satyp almaq
ASTANA. QazAqparat – Qazaqstan Rýandadan berılıı kontsentratyn satyp almaq. Bul týraly Aqordada «Samuryq-Qazyna» AQ basqarma tóraǵasy Nurlan Jaqypov aıtty.
- Rýanda Prezıdentiniń sapary aıasynda «Samuryq-Qazyna» men Rwanda Mines, Petroleum and Gas Board arasynda kelisimge qol qoıylady. Bul kelisimge sáıkes, enshiles «Qazatomónerkásip» kompanııamyz Rýandadan berılıı kontsentratyn satyp alý múmkindikterin qarastyrady. Sondaı-aq biz bul kelisim arqyly eki eldiń arasyndaǵy yntymaqtastyqty nyǵaıtamyz, - dedi ol BAQ ókilderine bergen suhbatynda.
Onyń atap ótýinshe, berılıı kontsentraty qýaty 1 500 tonnany quraıdy Úlbi metallýrgııalyq zaýytyna jetkizilýi múmkin. Alaıda Nurlan Jaqypov Rýandadan qansha tonna berılıı kontsentratyn satyp alatyndyǵymyzdy aıta almaıtynyn atap ótti.
- Bul kommertsııalyq qupııa sanalady. Sondyqtan qazirgi tańda naqty aqparat bere almaımyn, - dedi ol.
Buǵan deıin Memleket basshysy Qasym-Jomart Toqaev Aqordada Qazaqstanǵa resmı saparmen kelgen Rýanda Prezıdenti Pol Kagameni qarsy alǵanyn jazǵan edik.