«Qazaqstan» RTRK-na qaraıtyn radıolar «Respýblıkalyq radıo» JShS-na biriktirildi

ASTANA. QazAqparat - Bul týraly búgin feısbýktegi paraqshasy arqyly «Qazaqstan» RTRK» AQ-nyń basqarma tóraǵasy Kemelbek Oıshybaev habarlady.

Sondaı-aq ol QR Aqparat jáne kommýnıkatsııalar mınıstri Dáýren Abaevtyń kelisimimen «Respýblıkalyq radıo» JShS-nyń basshysy qyzmetine Dosymbek Óteǵalıevti usynǵandyǵyn jazdy.

«Elimizdegi radıony damytý maksatynda «Qazaqstan» RTRK qarasty radıolarda ózgeris bar. Qazaq radıosy, «Shalqar», «Astana», «Classic» radıolary «Respýblıkalyq radıo» JShS-ne birikti. 1 qańtardan jańa seriktestik jumysyn bastaıdy. Mınıstr Daýren Abaevtyń kelisimimen ujymnyń basshylyǵyna BAQ salasynda 20 jyldaı qyzmet etken, belgili jýrnalıst Dosymbek Óteǵalıevti tanystyrdym. Radıolardyń basshylaryna birqatar tapsyrmalar júktedim. Basty maqsat - Qazaq radıosymen «Shalqar» radıosynyń reıtıngterin birinshi oryndarǵa shyǵaryp, tyńdarmandardyń sanyń kóbeıtý. Sáttilik tileımin!»,-dep jazdy Oıshybaev.