«Qazaqstan» RTRK qyzmetkerleri aýyr naýqasqa shaldyqqan áriptesterine kómek qolyn sozdy
ASTANA. 18 qazan. QazAqparat - «Qazaqstan» RTRK AQ-nyń qyzmetkerleri aýyr naýqasqa shaldyqqan áriptesterine kómektesti.
Operatsııa jasaý úshin qomaqty qarajat qajet boldy.
«Qazaqstan» RTRK AQ qarasty «Qazaqstan-Aqtóbe» fılıalynyń tańǵy baǵdarlamalar telejúrgizýshisi 22 jasar Qonysbek Rysmaǵambetov sırek kezdesetin búırek ústi bezi obyryna ushyraǵan edi. Jýrnalıstke aýrýy asqynyp ketpes úshin shuǵyl túrde Izraılde quny 110 myń AQSh dollary turatyn eki operatsııa jasaý kerek bolatyn.
Al, «Qazaqstan» Ulttyq telearnasy sport baǵdarlamasynyń redaktor-júrgizýshisi Asylhan Shákirov jas ta bolsa otandyq jýrnalıstıkada óz qoltańbasy bar, kásibı sheberligin shyńdap kele jatqan, bolashaǵynan úlken úmit kútip júrgen áriptesimiz. Onyń leıkoz aýrýyna ushyraýy «Qazaqstan» Ulttyq telearnasy ujymynyń jáne buqaralyq aqparat quraldarynda qyzmet etip júrgen kópshilik jýrnalısterdiń qabyrǵasyna tutas batty.
Áriptesterine qolǵabys retinde «Qazaqstan» RTRK AQ qyzmetkerleri bir kisideı jumylyp, bir kúndik eńbek aqylaryn bóldi. «Qazaqstan» RTRK AQ aqparaty boıynsha, bul sharaǵa korporatsııanyń barlyq qurylymdyq bólimsheleri túgel qatysty.
