«Qazaqstan» RTRK» qytaı telearnalarymen yntymaqtastyqty jolǵa qoıýda
ASTANA. QazAqparat - «Qazaqstan» RTRK» AQ delegatsııasy Qytaı Halyq Respýblıkasynda issaparda bolyp, Qytaı Ortalyq Televızııasynyń (CCTV) prezıdenti Nıe Chjensımen kezdesti, dep habarlaıdy Strategııalyq marketıng departamenti.
Kezdesý barysynda birlesken jobalar óndirisi jáne korporatsııalar arasyndaǵy tájirıbe almasý boıynsh ekijaqty yntymaqtastyq máseleleri talqylandy.
Sondaı-aq, SSTV-7, SSTV-8 jáne SSTV-12 telearnalarynyń jetekshilerimen kezdesip, taraptar arasynda birlesip telehıkaıalar, derekti fılmder jáne jobalar óndirý boıynsha kelisim ornady.
Budan bólek, sol telearnalardyń prodıýserleri jáne rejısserlerimen shyǵarmashylyq birlestikter arasyndaǵy tájirıbe almasý máseleleri qarastyryldy.
Sondaı-aq «Qazaqstan» RTRK» AQ delegatsııasy Chansha qalasynda ornalasqan «Hunan TV» teleradıkorporatsııasyna bardy.
Bul kezdesýde Hunan TV prezıdenti Lıý Hýanbın «Qazaqstan» RTRK» AQ-men yntymaqtastyqty ornatýǵa úlken qyzyǵýshylyq bildirdi. Kelissózder júrgizilip, taraptar bolashaq josparlarymen bólisip, birlesken teleónimder men kórkem fılmder óndirisi boıynsha ýaǵdalasty.
Hunan TV 1997 jyldyń qańtarynda iske qosylyp, búgingi kúnge deıin Qytaıdaǵy eń kóp qaralatyn spýtnıktik arnalar qatarynda ekinshi orynda.
