«Qazaqstan» RTRK qazaqtildi telearnalar arasynda jetekshi oryndy ıelendi
ASTANA. QazAqparat - «TNS Ortalyq Azııa» kompanııasy zertteýleriniń derekterine sáıkes 2014 jylǵy 10 aıdyń qorytyndysy boıynsha, 6+ (qaz) aýdıtorııasynda «Qazaqstan» telearnasynyń orta táýliktik úlesi 17,7%-dy qurady. Osylaısha, qazaqtildi baǵdarlamalardy kórý kórsetkishi boıynsha telearna telenaryqqa qatysýshylardyń arasynda jetekshi pozıtsııany ıelendi, dep habarlaıdy «Qazaqstan» RTRK baspasóz qyzmetinen.
Korporatsııa 100 myńnan az turǵyndar sany bar eldi mekenderde de uqsas pozıtsııaǵa ıe. Munyń barlyǵy óz óndirisimizdiń kontentiniń sapasyn ózgertýmen jáne ulǵaıtýmen baılanysty bolyp otyr. Búgingi kúni barlyq telekeste qaıta qaralyp, oqýshydan bastap zeınetkerge deıingi jas aralyǵyndaǵy telekórermender janyna jaqynyn tańdap ala alady degen úmittemiz. Otandyq telearnalardyń arasynan «Qazaqstan» telearnasy qoǵamdyq mańyzdy baǵdarlamalardy, telehıkaıa ónimderin jáne derekti fılmderdi alǵash ret orys tilindegi sýbtıtrlarmen bere bastady.
Budan basqa, «Qazaqstan» UTA óz kontentine ótý jáne sapasyn arttyrý maqsatynda 2014 jyly tabysty bolǵan serıaldyq jelilerdiń shyǵarylymyn jalǵastyrý týraly sheshim qabyldandy. Álemdik tájirıbe kórsetkendeı, serıal neǵurlym tabysty bolǵan saıyn, telekórermender onyń jalǵasyn asyǵa kútedi. «Qazaqstan» telearnasynyń aýdıtorııasy úshin mundaı serıaldardyń qataryna «Syrǵalym», 2-maýsym (32 serııa), «Kók tarlandary», 2-maýsym (18 serııa), «Jedel járdem» (24 serııa), «Dostar», 2-maýsym (32 serııa) serıaldaryn jatqyzýǵa bolady. Sondaı-aq júz serııaly «Qarashańyraq» jańa televızııalyq fılmi efırge jol tartqan bolatyn. Uly Jeńistiń 70 jyldyǵyna «Eshkim umytylmady» atty jeti taraýdan turatyn kórkemdik-derekti tsıkl daıyndalýda.
Telearna óz tarıhymyzǵa, mádenıetimizge, dástúrlerimizge úńilýge bet burdyq. Bul «Qazaqstan» telearnasynyń sapaly jańa baǵdarlamalaryn jasaýǵa ıtermeleıdi. Telearna kórermenderdiń barlyq qalaýlaryna jaýap berýge tyrysady. «Qazaqstan» - túrli janrdaǵy ónimdi biriktiretin arna. Tanymdyq, oıyn-saýyq, taldaý, tarıhı, jańalyqtar, bıznes jobalar - munyń barlyǵy baǵdarlamalyq kesteniń negizine alynyp, telekórermenderdiń kóńilinen shyǵýda. Aıta keteıik, «Qazaqstan» Respýblıkalyq teleradıokorporatsııasy «Qazaqstan» Ulttyq telearnasyn, «Balapan»jáne «KAZsport» arnalaryn, Qazaq radıosyn, «Shalqar», «Astana», «Classic» radıolary men aımaqtyq teleradıokompanııalardy biriktiredi.
