«Qazaqstan» RTRK Baspasóz hatshylarynyń halyqaralyq VII konkýrsynyń dıplomanty atandy

Osyǵan baılanysty, «Qazaqstan» RTRK baspasóz hatshysy Raýan Esqalı konkýrstyń jeńimpazdaryn marapattaý saltanatyna qatysyp, «Baspasóz» jýrnalynyń tańdaýy nomınatsııasy boıynsha arnaıy Dıplommen marapattaldy. Bul nomınatsııa konkýrs uıymdastyrýshysy - «Baspasóz» jalpy reseılik jýrnaly redaktsııasynyń uıǵarymy boıynsha, eń qyzyqty dep tanylǵan jumystar arnaıy dıplommen marapattalady.

«Baspasóz» jýrnalynyń bas redaktory, «Jyldyń baspasózi» halyqaralyq PR-konkýrsynyń ádil-qazylar tóraǵasy Tımýr Aslanov resmı shaqyrý-hatynda kórsetilgendeı: «Jyldyń baspasózi» halyqaralyq konkýrsyna kelip túsken «Qazaqstan» RTRK» AQ ótinimin qarastyrý qorytyndysy boıynsha, ádilqazylar «Qazaqstan» RTRK» AQ-qa berý týraly sheshim qabyldaǵan».

«Baspasóz qyzmeti» konkýrsyna «Qazaqstan» respýblıkalyq teleradıokorporatsııasy bıyl alǵash ret qatysyp otyr.

Qazylar alqasy konkýrsqa kelip túsken jumystardy 11 nomınatsııa boıynsha baǵalady. Jyl saıyn ótetin konkýrs ótken jylǵy berilgen tapsyrystar boıynsha kórsetkishterdi jańartty. Bıyl Reseı men jaqyn shet elderdiń kompanııalary men uıymdardan 412 tapsyrys kelip tústi. Qorytyndy tizimge 33-i ǵana ilikti.

Táýelsiz sarapshylar men tájirıbeli pıarshylar jumystardy kelesi nomınatsııalar boıynsha baǵalady: Bıznestegi úzdik áleýmettik joba, áleýmettik medıadaǵy PR, korporatıv ishindegi PR boıynsha úzdik joba, úzdik baspasóz habarlamasy, bıznestegi úzdik PR-joba, memlekettik saladaǵy úzdik PR-joba, aımaqtardy ilgeri jyljytý, jańadan bastalǵan PR, úzdik korporatıvtik BAQ, Jyldyń baspasóz hatshysy, Jyldyń baspasóz qyzmeti.

Reseıdiń PR-salasyndaǵy iri jańalyqtarynyń biri - jyl saıynǵy «Jyldyń baspasózi» konkýrsyn «Baspasóz» jýrnaly osymen jetinshi ret ótkizýde. Konkýrsqa kompanııalardyń, uıymdardyń, memlekettik jáne mýnıtsıpaldyq qurylymdardyń baspasóz qyzmetteri men PR-bólimderi, sondaı-aq PR-agenttikter men PR-mamandar qatysady.

Sonymen qatar, «Qazaqstan» RTRK ókili 16-17 sáýir kúni «Tıimdi baspasóz-2015» praktıkalyq konferentsııasynyń jumysyna da qatysýda. Munda qoǵammen baılanys salasynda zamanaýı tásilder men tehnıkalaryn meńgerýge jáne tıimdi jumys isteýge qajetti ádistemelerdi jáne kóptegen ádistemelik materıaldardy alýǵa múmkindik bar. Jyl saıynǵy konferentsııaǵa búkil Reseıden jáne jaqyn shet elden qoǵammen baılanys boıynsha 200-den astam maman qatysýda. PR mamandarynyń jumysyna arnalǵan ózekti taqyryptar boıynsha 20-dan astam sarapshylar dáris oqyp, sheberlik sabaǵyn kórsetip jatyr. Konferentsııanyń alǵashqy kúni barlyq qatysýshylar jalpyǵa ortaq baıandamalardy tyńdasa, ekinshi kúni «Memlekettik qurylymdardaǵy qoǵammen baılanys» jáne «Bıznestegi qoǵammen baılanys» atty eki taqyrypta baıandama tyńdaıdy. Osylaısha, árbir qatysýshy ózine qajetti taqyryp boıynsha kólemdi aqparat ala otyryp, óz jaǵdaılary boıynsha sarapshylarǵa suraq qoıý múmkindigine ıe bolady.