Qazaqstan Rıodaǵy Paralımpıada oıyndaryn eki medalmen aıaqtady
ASTANA. QazAqparat - Jeksenbi kúni Brazılııada XV Paralımpıada oıyndarynyń saltanatty jabylý rásimi ótti.
Brazılııalyqtardyń mýzykaǵa degen súıispenshiligine arnalǵan saltanatty shara Oıyndardyń resmı ashylýy bolǵan "Marakana" stadıonynda ótti.
Sharaǵa qatysýshylar oıyndar kezinde qaza tapqan ırandyq velosportshy Bahman Golbarnejadty eske aldy.
Eske salaıyq, 2016 jylǵy Paralımpıada oıyndary 7-18 qyrkúıek kúnderi Rıo-de-Janeıroda ótti. Jalpy komandalyq esepte birinshi oryndy 107 altyn, 81 kúmis jáne 51 qolaǵa qol jetkizgen Qytaı ıelense, 64 altyn, 39 kúmis jáne 44 qola júldege ıe bolǵan Ulybrıtanııa sportshylary ekinshi orynnan kórindi. Úzdik úshtikti 41 «altyn», 37 «kúmis» jáne 39 «qolamen» Ýkraına quramasy túıindedi.
Qazaqstandyq sportshylar bul básekede eki medalǵa qol jetkizdi.
Máselen, Zúlfııa Ǵabıdýllına jarystardyń alǵashqy kúninde-aq erkin stılde 100 metrge júzýde álemdik rekordty ornata otyryp, «altyn» ıelense, paýerlıftıng boıynsha sportshy Raýshan Qoıshybaeva kúmis júldeger atandy. Jalpy esepte Qazaqstan Slovenııamen birge 58-inshi orynǵa turaqtady.
