Qazaqstan Respýblıkasynyń Ulttyq muraǵat qory qujattaryn qalyptastyrý, saqtaý jáne paıdalaný salasyndaǵy táýekelder dárejesin baǵalaý krıterııleri bekitildi
ASTANA. 20 tamyz. QazAqparat - QR Baılanys jáne aqparat mınıstri Asqar Jumaǵalıev Qazaqstan Respýblıkasynyń Ulttyq muraǵat qory qujattaryn qalyptastyrý, saqtaý jáne paıdalaný salasyndaǵy táýekelder dárejesin baǵalaý krıterıılerin bekitý týraly» 2011 jyldyń 11 shildesindegi №198 buıryqqa qol qoıdy, dep habarlaıdy resmı BAQ.
Qazaqstan Respýblıkasy Baılanys jáne aqparat mınıstrliginiń buıryǵy №198
Qazaqstan Respýblıkasynyń Ulttyq muraǵat qory qujattaryn qalyptastyrý, saqtaý jáne paıdalaný salasyndaǵy táýekelder dárejesin baǵalaý krıterıılerin bekitý týraly
«Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasy Zańynyń 13-babynyń 3-tarmaǵyna jáne «Ulttyq muraǵat qory jáne muraǵattar týraly» Qazaqstan Respýblıkasy Zańynyń 18-babynyń 1-tarmaǵynyń 20) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynyń Ulttyq muraǵat qory qujattaryn qalyptastyrý, saqtaý jáne paıdalaný salasyndaǵy táýekelder dárejesin baǵalaý krıterııleri bekitilsin.
2. Qazaqstan Respýblıkasy Baılanys jáne aqparat mınıstrliginiń Aqparat jáne muraǵat komıteti (B.T.Bersebaev):
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) memlekettik tirkeýden ótkennen keıin osy buıryqtyń buqaralyq aqparat quraldarynda resmı jarııalanýyn jáne Qazaqstan Respýblıkasy Baılanys jáne aqparat mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Baılanys jáne aqparat vıtse-mınıstri N.N.Orazovqa júktelsin.
4. Osy buıryq alǵashqy resmı jarııalanǵan kúninen bastap qoldanysqa engiziledi.
Mınıstr A.JUMAǴALIEV.
Buıryq QR Ádilet mınıstrliginde 2011 jylǵǵy 8 tamyzda №7112 sanymen tirkelgen.
QR Ulttyq muraǵat qorynyń táýekelderdi baǵalaý krıterııleri salasyndaǵy qujattaryn qalyptastyrý, saqtaý jáne paıdalaný respýblıkalyq BAQ-ta jarııalandy.
