«Qazaqstan Respýblıkasynyń Táýelsizdigine 20 jyl» atty kitap kórmesi ashyldy

Ol Qazaqstan Respýblıkasynyń Prezıdenttiginen úmitker N.Á.Nazarbaevtyń qalalyq saılaý aldyndaǵy shtabynyń jelilik ketesine sáıkes uıymdastyrylyp otyr.

Kórmeniń maqsaty - elimizde Táýelsizdiktiń 20 jylyndaǵy qalyptasýy men damýynyń negizgi kezeńderin, Qazaqstan Respýblıkasynyń tuńǵysh Prezıdenti - jańa táýelsiz Qazaqstannyń negizin qalaýshy, eldiń birligi men damýyn, onyń halyqaralyq deńgeıde tanylýyn qamtamasyz etken Elbasynyń tarıhı rólin kórsetý.

Kórmede Elbasynyń mektep kezinen búgingi kúnine deıingi barlyq júrip ótken joldaryn aıqyndaıtyn kitaptar oryn alǵan.

Kórmeniń ashylýyna Qazaqstan Respýblıkasynyń Prezıdenttiginen úmitker N.Á.Nazarbaevtyń senim bildirgen ókilderi, QR-daǵy Ýkraın mádenı ortalyǵynyń tóraǵasy V.P.Lymarenko, QR-daǵy Ingýsh mádenı ortalyǵynyń tóraǵasy S.M.Ozdoev, Bostandyq aýdanynyń saılaý aldyndaǵy shtaby tóraǵasynyń orynbasary A.J.Tólegenov, sondaı-aq, halyqaralyq táýelsiz baqylaýshylar qatysty.

«Bıyl elimiz Táýelsizdik alǵanyna - 20 jyl. Bul az ýaqyt emes. Biraq kóp te emes. Jastardyń kóbi bul aralyqty bile bermeıdi. Biraq sonaý qıyn-qystaý ýaqytty biz N.Á.Nazarbaevtyń bilimi men saıası oıynyń utqyrlyǵynyń keremetteı jemisiniń arqasynda eńsere aldyq. Osy aralyqta biz shekaramyzdy anyqtap aldyq. Týymyz ben Eltańbamyzdy bekittik. Eskirip, múlde tehnıkasyz qalǵan qalalar qalpyna keldi. Jańa tas jol, temir jol, áýejaı, sý qubyrlary qalpyna keltirildi. Bul istelgen dúnıe az emes. Biraq, bolashaqta áli talaı qolǵa alynatyn dúnıeler bar. Sondyqtan, biz sizderdi Elbasynyń kondıdatýrasyn qoldaýǵa shaqyramyz» - deıdi QR-daǵy Ingýsh mádenı ortalyǵynyń tóraǵasy S.M.Ozdoev.