Qazaqstan Respýblıkasynyń Prezıdenttigine kandıdattar úshin habarlama
ASTANA. QazAqparat - 2015 jylǵy 26 sáýirde Qazaqstan Respýblıkasy Prezıdentiniń kezekten tys saılaýyna túsetin kandıdattardyń saılaýaldy úgit materıaldaryn «QazAqparat HAA» JShS-niń www.inform.kz saıtynda ornalastyrýdyń jalpy talaptary men tártibin habarlaımyz.
«QazAqparat HAA» JShS (budan ári - Seriktestik) www.inform.kz saıtynda Qazaqstan Respýblıkasy Prezıdentiniń kezekten tys saılaýyna túsetin kandıdattar (budan ári - Kandıdat) saılaýaldy úgit materıaldaryn ornalastyra alady. Materıaldyń 1 (bir) jolynyń baǵasy 1 500 (bir myń bes júz) teńgeni quraıdy. Bannerdi ornalastyrýdyń 1 (bir) táýligi 18 000 (on segiz myń) teńgeni quraıdy.
Úgit materıaldary «Saılaý - 2015» aıdarymen ornalastyrylatyn bolady.
Úgit materıaldaryn ornalastyrý birinshi tarap - Kandıdat nemese onyń ókiletti ókili jáne ekinshi tarap - Seriktestik arasyndaǵy jazbasha shart negizinde júzege asyrylady.
Kandıdat nemese onyń ókiletti ókiliniń Seriktestik basshysynyń atyna jazǵan jazbasha ótinishi negizinde úgit materıaldaryn ornalastyrý týraly shart jasalady.
Úgit materıaldarynyń kólemi Kandıdat nemese onyń ókiletti ókiliniń jazbasha ótinishinde jáne keıin jasalatyn shartta kórsetiledi. Seriktestik saıt betinde úgit materıaldaryn ornalastyrýdyń ornyn derbes aıqyndaıdy.
Jazbasha ótinishke kelesi qujattar qosylyp berilýi tıis:
1) Kandıdattyń tirkelýin rastaıtyn qujattyń kóshirmesi;
2) Kandıdattyń ókiliniń ókilettigin rastaıtyn qujattyń kóshirmesi;
3) Úgit materıaly mátininiń mánin qaǵaz jáne elektrondyq nusqada usyný;
4) Ótinish berýshiniń jeke basyn kýálandyratyn kóshirme;
5) Shart jasaý úshin ótinish bildirýshiniń ókilettigin rastaıtyn qujattar.
Úgit-nasıhat materıaly jarııalanýǵa berilerden 1 (bir) táýlik buryn, qaǵaz jáne elektrondy nusqada tapsyrylýy qajet.
Mátinder Kandıdat nemese onyń ókiletti ókiliniń qol qoıýymen baspa nusqasynda tapsyrylýy qajet. Sondaı-aq, beıneleri úgit materıalynda paıdalanylatyn tulǵalardyń jazbasha ruqsaty (qaıtys bolǵan jaǵdaıda - olardyń muragerleriniń) kerek.
Úgit materıaldary tólem jáne qarjylandyrý kózi týraly aqparatty qamtýy kerek. Aqparatty usynýshy tulǵanyń aty-jóni kórsetilýi qajet.
Seriktestik Kandıdat aldyndaǵy mindetin aldyn ala tólem 100 paıyz oryndalǵan jaǵdaıda ǵana júzege asyrady.
Úgit materıaldaryn usynǵan Kandıdat onyń mazmunynyń QR zań talaptary, sonyń ishinde avtorlyq jáne sabaqtas quqyqtyń saqtalýyna ózi jaýapty.
Atalǵan habarlamadaǵy talaptar men tártip, sondaı-aq sharttyń oryndalýy buzylǵan jaǵdaıda úgit materıaldary saıtqa ornalastyrylmaıdy nemese kórsetilgen kemshilik túzetilgenge deıin toqtatyla turady.
Eger úgit baspa materıaldarynda konstıtýtsııalyq qurylysty kúshtep ózgertý ıdeıalary jarııa etilse, respýblıkanyń tutastyǵyn buzýdy, memlekettiń qaýipsizdigine nuqsan keltirýdi, áleýmettik, násildik, ulttyq, dinı, tektik-toptyq jáne rýlyq arazdyqty qozdyrýdy, qatigezdik pen zorlyq-zombylyqqa bas urýdy, sondaı-aq, zańnamada kózdelmegen áskerılendirilgen qurylymdardy qurý negizderindegi úgit materıaldaryn qabyldaýdan Seriktestik bas tartady.
Basqa Kandıdattardyń ar-namysyna, abyroıyna nemese iskerlik bedeline nuqsan keltiretin aqparattar bolǵan jaǵdaıda Seriktestik Kandıdattyń úgit materıaldaryn jarııalaýdan bas tartýǵa quqyly.
Atalǵan habarlamada kórsetilgen úgit materıaldaryn ornalastyrýdyń talaptary men tártibi Qazaqstan Respýblıkasynyń ókiletti organdarynyń talaptaryna sáıkes túzetilýi múmkin.
Úgit materıaldaryn jarııalaýdyń sońǵy kúni - 2015 jylǵy 24 sáýir. Jazbasha ótinishter 2015 jylǵy 26 naýryzdan bastap, senbi men jeksenbiden basqa kúnderi kún saıyn saǵat 09:00-den 18:30-ǵa deıin qabyldanady, úzilis ýaqyty: 13:00-den 14:30 aralyǵynda. Seriktestik meken jaıy: Astana qalasy, Orynbor kóshesi, 4, «Altyn Orda» BO, 2 qabat, № 203 kabınet. Baılanys telefony: 8/7172/48-90-72, elektrondyq adres: product@inform.kz .
