Qazaqstan Respýblıkasynyń Prezıdenttigine 3 kandıdat usynyldy - QR OSK
ANA. 7 aqpan. QazAqparat /Aıdar Ospanalıev/ - Senbi kúni 5 aqpanda Ortalyq saılaý komıssııasy bekitken josparǵa sáıkes kandıdattardy usyný bastaldy.
«Osy ýaqytqa deıin QR Prezıdenttigine 3 kandıdat usynyldy», - delingen búgin Ortalyq saılaý komıssııasy baspasóz baıanynda. 5 aqpan kúni Ortalyq saılaý komıssııasyna Prezıdenttikke kandıdat retinde ózin-ózi Sálim Saǵyndyquly Óten usyndy. Al, 6 aqpanda Ýálıhan Qaısarov Prezıdenttikten úmitker bolýǵa nıetti ekenin bildirdi. Sondaı-aq 7 aqpanda ózin-ózi usyný jolymen óz kandıdatýrasyn Musaǵalı Sársenbaıuly Dýanbekov usyndy.
Osy ýaqytqa deıin Prezıdenttikke kandıdat retinde tirkelgen 3 azamattyń ekeýi Prezıdent saılaýyna buryn da qatysqan.
Ortalyq saılaý komıssııasy taratqan málimetter boıynsha Prezıdenttikke kandıdattardy respýblıkalyq qoǵamdyq birlestikter usyna alady. Sondaı-aq azamattar kandıdat retinde ózderin-ózderi usynýǵa quqyly. Prezıdenttikke kandıdattardy qoǵamdyq birlestikter atynan olardyń joǵarǵy organdary usynady. Zań qoǵamdyq birlestikterdi kandıdattyqqa tek óz múshesin ǵana usynýdy mindettemeıdi. Prezıdenttikke kandıdattyqqa ózin-ózi usyný Ortalyq saılaý komıssııasyna tıisti ótinish berý arqyly júrgiziledi jáne «Qazaqstan Respýblıkasyndaǵy saılaý týraly» Konstıtýtsııalyq zańnyń 54-babynyń, 2-tarmaǵyna sáıkes kandıdattardyń qujattary tapsyrylǵan kúnnen bastap 5 kúnniń ishinde tekserilip bitýi tıis.
"Prezıdenttikke kandıdattyń sońǵy 5 jylda Qazaqstanda turǵandyǵyn Ádilet mınıstrligi men Іshki ister mınıstrliginiń málimetteri negizinde Ortalyq saılaý komıssııasy anyqtaıdy. Al kandıdattyń memlekettik tildi erkin meńgergendigi Konstıtýtsııalyq keńestiń Konstıtýtsııanyń 41-babynyń, 2-tarmaǵy boıynsha týraly aktisine sáıkes OSK qaýlysymen anyqtalady. Osy akti boıynsha «Memlekettik tildi erkin meńgergen» degen normany qazaq tilinde saýatty oqı, jaza, óz oıyn esh qınalmaı erkin bildire alatyn jáne kópshilik aldynda sóıleı biletin azamat dep túsingen jón", - dep aıqyndaıdy.
