Qazaqstan Respýblıkasynyń Prezıdenti N.Á.Nazarbaevtyń Joldaýyn qoldaımyz – professor M. Aldabergenov
ALMATY. Aqpannyń 1-i. QazAqparat /Ádilet Musahaev/ - Qazaqstan - álem elderiniń kópshiligine qaraǵanda paıdaly zat qorlaryna baı el. Sol baılyqty durys óńdep, aldymen óz qajetimizge keńinen paıdalana alatyn zattardy made in Kazakhstan degen belgimen shyǵarý múmkinshiligi kóp. Osy máselelerdi prezıdentimiz óz joldaýynda basa aıtty. Bul jaıynda QazUÝ-diń professory, hımııa ǵylymynyń doktory Maılybı Aldabergenov
QazAqparat tilshisine bergen suhbatynda aıtty.
M.Aldabergenovtyń aıtýynsha, aldymen ónerkásip salasyn keńinen órkendetýimiz kerek. «2008 jyly jeltoqsan aıynda Taraz qalasynda ótken jınalysta hımııa ónerkásibin, onyń ishinde mıneraldy tyńaıtqyshtar salasyn kúrt damytý týraly máseleler talqylanyp, josparlar jasalynǵan bolatyn. Elimiz fosforıtter qorynan álemde tórtinshi orynda, al osy ónerkásip ónimderi boıynsha áli de bolsa artqy jaqta. Qazirgi zaman talaptaryna saı polımerli fosfor tyńaıtqyshtaryn óndirýdi qolǵa alsaq, álemde aldyńǵy qatarǵa shyǵa alatyn múmkinshilikter bar. Polımerli tyńaıtqyshtar ekologııa problemalaryn da, tyńaıtqyshtardyń qundylyǵy men paıdasyn arttyrýǵa da úlken sebepker bola alady. Arzan tyńaıtqyshtar aýyl sharýashylyǵynda da keńinen paıdalanyp, dándi-daqyldardyń sapasyn, shyǵymyn arttyryp, Qazaqstanda óndirilgen taǵamdardyń básekelestigin arttyrady, prezıdentimiz aıtqandaı, paıdalanatyn taǵamdarymyzdyń 50 paıyzy elimizde shyǵarylǵan zattar bolady», deıdi professor.
