Qazaqstan Respýblıkasynyń keıbir konstıtýtsııalyq zańdaryna ózgeris engizildi

ASTANA. QazAqparat - Memleket basshysy «Qazaqstan Respýblıkasynyń keıbir konstıtýtsııalyq zańdaryna ózgerister men tolyqtyrýlar engizý týraly» Qazaqstan Respýblıkasynyń Konstıtýtsııalyq zańyna qol qoıdy, dep habarlaıdy Aqordanyń baspasóz qyzmeti.

Konstıtýtsııalyq zańnyń mátini baspasózde jarııalanady.

Buǵan deıin Parlament Májilisiniń jalpy otyrysynda palata depýtattary «Qazaqstan Respýblıkasynyń keıbir konstıtýtsııalyq zańdaryna ózgerister men tolyqtyrýlar engizý týraly» Konstıtýtsııalyq zańynyń jobasyna Senat engizgen ózgeristermen kelisken bolatyn.

Zań jobasynyń maqsaty - sottardyń qyzmetin ári sot salasyndaǵy ákimshilendirýdi jetildirý, Memlekettik Eltańbany paıdalaný tártibin tolyqtyrý, sondaı-aq qarjy salasyndaǵy ınnovatsııalardy damytý úshin eldiń negizgi platformasy retinde «Astana» halyqaralyq qarjy ortalyǵynyń jyldam damýyn qamtamasyz etý jáne onyń ıýrısdıktsııasyn ınvestıtsııalar tartý úshin paıdalaný.