Qazaqstan Respýblıkasynyń Immýndaý boıynsha ulttyq konsýltatıvtik komıteti ashyldy
ASTANA. 23 sáýir. QazAqparat - Búgin Almaty qalasynda Qazaqstan Respýblıkasy Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıtetiniń Sanıtarlyq-epıdemıologııalyq saraptama jáne monıtorıng ǵylymı-praktıkalyq ortalyǵy bazasynda
Qazaqstan Respýblıkasynyń Bas memlekettik sanıtarlyq dárigeri Jandarbek Bekshınniń jáne Halyqaralyq vaktsına ınstıtýtynyń bas dırektory Krıstıan Loýktiń qatysýymen Qazaqstan Respýblıkasynyń ımmýndaý boıynsha ulttyq konsýltatıvtik komıteti ashylyp, birinshi otyrysy ótkizildi.
Bul týraly QR Densaýlyq saqtaý mınıstrliginiń baspasóz qyzmeti habarlady.
Immýndaý boıynsha Ulttyq konsýltatıvtik komıtettiń quramyna ımmýnologııa, epıdemıologııa, pedıatrııa salasyndaǵy jetekshi ǵalymdar, densaýlyq saqtaý júıesiniń sarapshylary, vaktsınalardy saraptaý jónindegi mamandar kiredi.
Immýndaý boıynsha Ulttyq konsýltatıvtik komıtetti qurýdyń maqsaty - vaktsınatsııalaý jáne Qazaqstanda jańa vaktsınalardy engizý, qoldaný máselelerin sheshý boıynsha konsýltatıvtik organdy uıymdastyrý bolyp tabylady.
Immýndaý boıynsha Ulttyq konsýltatıvtik komıtet QR ımmýndaý baǵdarlamalarynyń tıimdiligine taldaý júrgizý, ımmýndaýdy jetildirý jáne vaktsınatsııalaýǵa monıtorıng júrgizý, vaktsınalardyń jańa túrleri boıynsha álemdik ǵylymı derekterdi taldaý boıynsha usynymdardy daıyndaýmen aınalysatyn bolady.
