Qazaqstan Respýblıkasynyń Halyqaralyq aqparattyq tehnologııalar ýnıversıtetine túsý úshin talapkerlerge 300, al magıstranttar úshin 10 grant bólindi
ASTANA. Shildeniń 21-i. QazAqparat /Janna Qorqytova/ - Halyqaralyq aqparattyq tehnologııalar ýnıversıtetine túsý úshin talapkerlerge 300, al magıstranttar úshin 10 grant bólindi. Bul týraly búgin «Qazaqstan ІT-Ýnıversıtetiniń ІT-biliminiń halyqaralyq deńgeıi: múmkindikter men bolashaǵy» taqyrybyna arnalǵan online-konferentsııasy barysynda «Halyqaralyq aqparattyq tehnologııalar ýnıversıteti» AQ vıtse-prezıdenti Eskendir Álıev habarlady.
«Bizdiń ýnıversıtetke túsý múmkindigi óte zor. Bizdiń ýnıversıtet úshin arnaıy 300 grant bólindi, bıyl biz ózimiz magıstranttar úshin qosymsha 10 grant bólip otyrmyz», - dep habarlady ol.
Onyń aıtýynsha, ýnıversıtetti Baılanys jáne aqparat mınıstrligi qoldap otyr, óıtkeni atalmysh oqý orny memlekettik-jekemenshik áriptestik aýqymynda jumys atqarýda, quryltaıshysy - «Zerde» Ulttyq aqparattyq kommýnıkatsııalyq holdıngi. Ýnıversıtet belsendi qoldaýǵa ıe: ótken jyly, oqý orny ashylǵanda da 300 grant bólingen edi.
Bıylǵy jyly, burynǵy tórt mamandyqqa qosymsha tórt mamandyq qosylatyn boldy. Olar: «matematıkalyq jáne kompıýterlik jobalaý», «ІT-jýrnalıstıka», «qarjy» jáne «radıotehnıka, elektronıka jáne kommýnıkatsııa» mamandyqtary.
