«Qazaqstan Respýblıkasynyń eńbek sińirgen ónertapqyshy» ataǵyn berý qaǵıdalary bekitildi

Qazaqstan Respýblıkasy Úkimetiniń qaýlysy 2012 jyldyń 11 sáýirinen, №446 «Qazaqstan Respýblıkasynyń eńbek sińirgen ónertapqyshy» ataǵyn berý qaǵıdalaryn bekitý týraly «Qazaqstan Respýblıkasynyń Patent zańy» 1999 jylǵy 16 shildedegi Qazaqstan Respýblıkasy Zańynyń 9-babynyń 5-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan «Qazaqstan Respýblıkasynyń eńbek sińirgen ónertapqyshy» ataǵyn berý qaǵıdalary bekitilsin.
Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi

Qazaqstan Respýblıkasynyń  Premer-Mınıstri  K.MÁSІMOV.

Qazaqstan Respýblıkasy Úkimetiniń 2012 jylǵy 11 sáýirdegi № 446 qaýlysymen bekitilgen

«Qazaqstan Respýblıkasynyń eńbek sińirgen ónertapqyshy» ataǵyn berý qaǵıdalary

1. Jalpy erejeler
1. Osy «Qazaqstan Respýblıkasynyń eńbek sińirgen ónertapqyshy» ataǵyn berý qaǵıdalary (budan ári - Qaǵıdalar) «Qazaqstan Respýblıkasynyń Patent zańy» týraly Qazaqstan Respýblıka­synyń 1999 jylǵy 16 shildedegi Zańyna sáıkes ázirlendi jáne «Qazaqstan Respýblıkasynyń eńbek sińirgen ónertapqyshy» ataǵyn berý tártibin reglamentteıdi.
2. «Qazaqstan Respýblıkasynyń eńbek sińirgen ónertapqyshy» ataǵyn (budan ári - ataq) berý mańyzdy moraldyq yntalandyrýdyń biri, azamattardyń jemisti eńbegin, olardyń qabiletteri men daryndylyǵyn qoǵamnyń moıyndaǵanyn bildirý bolyp tabylady jáne azamattardyń ınnovatsııalyq belsendiligin arttyrýdy, olardyń Qazaqstan Respýblıkasynyń ekonomıkalyq jáne áleýmettik damýy­na jumsaǵan kúsh-jigerin kótermeleýge arnalady.

2. Ataqty berý tártibi
3. Ataq ár jyldyń ekinshi toqsanynda ónertabystardy, paıdaly modelderdi, ónerkásiptik úlgilerdi qorǵaý salasyndaǵy ýákiletti organ (budan ári - ýákiletti organ) ótkizetin konkýrstyń nátıjeleri boıynsha neǵurlym mańyzdy jáne keńinen paıdalanylatyn ónertabystardyń avtorlary bolyp tabylatyn Qazaqstan Respýblıkasynyń azamattaryna beriledi.
4. Qazaqstan Respýblıkasy Ádilet Mınıstriniń buıryǵymen quramyna ýákiletti jáne basqa da memlekettik organdardyń qyzmetkerleri, ǵalymdar jáne patenttik senim bildirilgen ókilder kiretin Ataq berý jónindegi usynymdardy qaraıtyn konkýrstyq komıssııa (budan ári - komıssııa) qurylady.
5. Komıssııanyń otyrystary komıssııa músheleriniń jalpy sanynyń jartysynan astamy qatysqan jaǵdaıda zańdy dep esepteledi.
Komıssııa qatysýshy komıssııa músheleriniń kópshilik daýsymen sheshim qabyldaıdy. Daýystar teń bolǵan jaǵdaıda, tóraǵalyq etýshiniń daýsy sheshýshi bolyp tabylady. Komıssııa sheshimi hattamamen resimdeledi.
6. Ataq berý týraly usynymdar (budan ári - usynymdar) bildirýge:
1) ýákiletti organ;
2) memlekettik organdar;
3) ǵylymı uıymdar nemese qoǵamdyq birlestikter bastamashy bolady.
7. Usynymdar ýákiletti organǵa jyl saıyn birinshi sáýirge deıin beriledi.
8. Usynymdarǵa memlekettik organdardyń, ǵylymı uıymdardyń nemese qoǵamdyq birlestik­terdiń birinshi basshylary (nemese onyń mindetin atqarýshy adam) qol qoıady, onda kandıdattyń tegi, aty, ákesiniń aty (eger bar bolsa), usynýǵa deıingi sońǵy úsh jyldaǵy onyń ǵylymı jáne (nemese) ǵylymı-tehnıkalyq qyzmetiniń nátıjeleri boıynsha ataq berýge usynýdyń negizderi kórsetiledi.
Usynymǵa:
1) kandıdattyń jeke basyn kýálandyratyn qujattyń kóshirmesi;
2) ónertabysty qorǵaý qujatynyń kóshirmesi;
3) neǵurlym mańyzdy jáne keńinen paıdalanylatyn ónertabys týraly pikirler, retsenzııalar jáne-basqa da materıaldar qosa beriledi.
9. Ýákiletti organ kelip túsken usynymdardy jyl saıyn onynshy sáýirge deıin olar boıynsha sheshimder qabyldaý úshin komıssııanyń qaraýyna jiberedi.
10. Komıssııa usynymdardy qaraý barysynda usynylǵan ónertabysqa qoıylatyn mynadaı krıterıılerdi nazarǵa alady:
1)  áleýmettik jáne ekonomıkalyq mańyzdylyǵy;
2) perspektıvalylyǵy;
3) básekege qabilettiligi;
4) ekologııalyq qaýipsizdigi.
11. Komıssııa berilgen usynymdardy kelip túsken sátten bastap on jumys kúni ishinde qaraıdy jáne:
1) ataq berý týraly Ádilet mınıstrine usynym engizý týraly;
2) eger usynylǵan materıaldar osy ónertabystyń mańyzdylyǵy men keńinen paıdalaný faktisin rastamasa, usynymdy qabyldamaý týraly sheshimderdiń birin qabyldaıdy.
12. Qazaqstan Respýblıkasynyń Ádilet mınıstri komıssııa sheshim qabyldaǵan kezden bastap kúntizbelik on kún ishinde ataq berý týraly buıryq shyǵarady.
13. Qazaqstan Respýblıkasynyń Ádilet mınıstri nemese onyń tapsyrmasy boıynsha basqa da laýa­zymdy adamdar Qazaqstan Respýblıkasynyń eńbek sińirgen ónertapqyshyna dıplomdy jáne «Qazaqstan Respýblıkasynyń eńbek sińirgen ónertapqyshy» estelik lentasyn saltanatty jaǵdaıda tapsyrady.