«Qazaqstan Respýblıkasynyń Eńbek kodeksine ózgerister men tolyqtyrýlar engizý týraly» Zań qabyldandy
ASTANA. 18 qańtar. QazAqparat /Rýslan Ǵabbasov/ - Búgin QR Parlamenti Senatynyń jalpy otyrysynda «Qazaqstan Respýblıkasynyń Eńbek kodeksine ózgerister men tolyqtyrýlar engizý týraly» QR Zańy qabyldandy.
Zań eńbek zańnamasyn jetildirý maqsatynda Qazaqstan Respýblıkasynyń Eńbek kodeksine eńbek qatynastaryn quqyqtyq retteýdiń sapasyn arttyrý, qyzmetkerdiń, jumys berýshiniń jáne memleket múddeleriniń turaqty teńgerimin qamtamasyz etý, halyqaralyq eńbek standarttaryn eskerý jolymen birqatar ózgerister men tolyqtyrýlar engizedi.
Bul zańnamalyq qujatpen jumys berýshiniń aktiler shyǵarýynda qyzmetkerler ókilderiniń pikirlerin eskerýdi qamtamasyz etý usynylady. Qazmetkerlerdiń eńbek quqyqtarynyń buzylýynyń aldyn alý erejeleri kúsheıtiledi. Laýazymdardy qosa atqarý jáne ýaqytsha bolmaǵan qyzmetkerdiń mindetterin oryndaý tártibi reglamentteledi.
Zańda óndiristik obektilerdi eńbek jaǵdaılary boıynsha merzimdik attestattaýdyń tártibin bekitetin jáne sapasyn baqylaýdy júzege asyratyn memlekettik organ aıqyndalǵan.
Zań jobasyn talqylaý barysynda Senattyń turaqty komıtetteriniń eskertpeleri men usynystary eskerile otyryp, ózgerister men tolyqtyrýlar engizildi. Atap aıtqanda, jumys berýshiniń ınflıatsııa deńgeıin negizge ala otyryp, kelisimderde, ujymdyq shartta nemese jumys berýshiniń aktisinde belgilengen tártippen júrgizýi múmkin jalaqynyń turaqty bóligin ındeksteý týraly bap naqtylandy.
