Qazaqstan Respýblıkasynyń «Elektrondyq úkimeti» portalyn qoldanýdy úıretýge arnalǵan oqytý baǵdarlamasy iske qosyldy

dep habarlady Baılanys jáne aqparat mınıstrliginiń baspasóz qyzmetinen.

«Zerde» Ulttyq ınfokommýnıkatsııalyq holdıngi» aktsıonerlik qoǵamy Baılanys jáne aqparat mınıstrliginiń jáne jergilikti atqarýshy organdardyń qoldaýymen halyqty elektrondyq úkimettiń www.egov.kz. portalyn qoldanýǵa úıretý isin qolǵa alyp otyr.

Jyl sońyna deıin mundaı semınarlar elimizdiń 80 eldi mekeninde ótkiziledi jáne 70000-nan astam qazaqstandyqtardy oqytý josparlanýda.

Semınar barysynda mamandar qatysýshylarǵa elektrondyq úkimet týraly málimet berip, portal arqyly elektrondyq tsıfrlyq qoltańbany alý men qoldaný tártipterin jáne elektrondyq úkimet portalynan memlekettik qyzmet kórsetýlerdi alý joldaryn úıretedi. Jalpy oqytý kýrsy 3 akademııalyq sabaqqa eseptelgen. Semınar sońynda qatysýshylarǵa sertıfıkat beriledi.

Eger jumys berýshi óz qyzmetkerleriniń memlekettik qyzmet kórsetýlerdi alýda ýaqyttaryn únemdeýin jáne ozyq tehnologııalyq sheshimderdi qoldanǵanyn qalaıtyn bolsa, ótinim berip, oqytýshylardy óz keńsesinde semınar nemese tusaýkeser rásimin ótkizýge shaqyrýlaryna bolady.

Kámelettik jasqa tolǵan barlyq azamattar, ıaǵnı oqytý kýrsyna qatysýǵa nıet bildirýshiler 1414 call- ortalyǵyna qońyraý soǵyp, ótinim bere alady. Qalalyq jáne mobıldi telefondardan qońyraý soǵý tegin.

Esterińizge salyp óteıik, búgingi kúni elektrondyq úkimet portalynda 70-ten astam elektrondyq jáne 2000 aqparattyq qyzmet túrleri usynylǵan. Portal arqyly 6 mıllıonnan astam elektrondyq anyqtama berildi.