Qazaqstan Respýblıkasynda izdeýde júrgen aqtóbelik bıznesmen Ýfada ustaldy
ASTANA. QazAqparat - Qazaqstanda izdeýde júrgen jalǵan kásipker Mahambet Ernazarov jasandy tólqujatpen Ýfada ustaldy, dep habarlady «QazAqparat» HAA Bashqurtstan astanasy prokýratýrasyna silteme jasap.
Ýfada sot aldynda 35 jastaǵy Qazaqstan azamaty Mahambet Ernazarov jaýap beredi. Ol kórineý jalǵan qujat paıdalanǵany úshin aıyptalýda. Qazaqstan Memlekettik kiris departamenti Ekonomıkalyq tergeý qyzmetiniń derekterine sáıkes, Mahambet Abaıuly Ernazarov memleketke iri shyǵyn ákelgen jalǵan kásipkerligi úshin izdeýde júrgen. Ol Aqtóbede «Invest Holdıng Qazaqstan» JShS basshysy boldy. Er adam tegin aýystyryp RF azamattyǵyna jasandy tólqujat alǵan.
Oǵan qylmystyq jaýapkershilikten qashý úshin jasandy qujat qajet bolǵan. Osy jyly qazanda ol JQQ MI qyzmetkerlerine jalǵan tólqujat usynǵan.
«Ernazarov qylmysyn tolyqtaı moınyna aldy. Qazir shetel azamattaryn ýaqytsha ustaý ortalyǵynda, ekstradıtsııany kútýde», - delingen prokýratýra habarlamasynda.
