Qazaqstan Respýblıkasynda bolý erejesin buzǵany úshin 2265 sheteldik ákimshilik jaýapkershilikke tartyldy - QR ІІM Ákimshilik polıtsııasy komıteti
ASTANA. 13 jeltoqsan. QazAqparat. Qylmysqa qarsy kúresti kúsheıtý, quqyq buzýshylyqtyń aldyn alý jáne qoǵamdyq qaýipsizdikti qamtamasyz etý maqsatynda aǵymdaǵy jyldyń 8-12 jeltoqsan aralyǵynda «Quqyqtyq tártip» jedel-profılaktıkalyq is-sharasy ótkizildi,
dep habarlaıdy QR ІІM Ákimshilik polıtsııa komıteti.
Іs-sharaǵa ishki ister organdarynyń 28 000 astam qyzmetkerleri men ishki áskerlerdiń áskerı qyzmetshileri, sonymen qatar 5,5 myńnan astam jurtshylyq ókilderi jumyldyryldy. Jedel-profılaktıkalyq is-sharany ótkizý kezinde jalpy 3347 qylmys tirkeldi, onyń ishinde qoǵamdyq oryndarda - 282, kóshelerde - 133 qylmys jasaldy. Kezekshi táýlikte 2005 qylmys ashyldy. Sonymen qatar buryn jasalǵan 746 qylmys ashyldy.
240 esirtki qylmysy anyqtaldy, bul rette 26 kg. 465 gr. esirtki zat alyndy. Zańsyz saqtalǵan 408 birlik atys qarýy, onyń ishinde 28 - oıyq uńǵyly, 320 - tegis uńǵyly jáne 64 - uńǵysyz travmatıkalyq atys qarý alyndy.21395 ákimshilik quqyq buzýshylyq, onyń ishinde 385 usaq buzaqylyq, jasóspirimder jasaǵan 136 usaq buzaqylyq jáne qoǵamdyq orynda spırttik ishimdik ishý nemese mas kúıde júrýdiń 12362 faktisi anyqtaldy. Qazaqstan Respýblıkasynda bolý erejesin buzǵany úshin 2265 sheteldik, onyń ishinde alys sheteldiń 138 azamaty, 2127 TMD azamaty ákimshilik jaýapkershilikke tartyldy.
